मेचीनगर। प्रेस संगठन झापाको बिस्तारित बैठकले आसन्न पत्रकार महासंघको निर्वाचनलाई लक्षित गर्दै चुनावी अभियान घोषणा गरेको छ । संगठनका केन्द्रीय सदस्य बिमल लामिछानेको संयोजकत्वमा ७ सदस्यीय संगठन सुदृढीकरण तथा निर्वाचन परिचालन कमिटी गठनसँगै अभियान घोषणा गरेको हो ।

शनिबार काँकडभिट्टामा बसेको प्रचण्ड–माधव पक्ष खेमाको प्रेस संगठनको बैठकले जिल्लामा संगठन बिस्तारसँगै पत्रकार महासंघको आसन्न निर्वाचनका लागि अन्य संगठनहरुसँग वार्ता, समन्वय, उम्मेद्वार चयन र सिफारिस गर्न उक्त कमिटी गठन गरिएको जनाएको छ ।

संगठनका झापा अध्यक्ष मुक्ति पौडेलको अध्यक्षतामा भएको बैठकद्वारा गठित सदस्यहरुमा दयाराम दाहाल, तीर्थ सिग्देल, तारामणि सापकोटा, भीमा शिवाकोटी, मुक्ति पौडेल र राजु अधिकारी रहेका छन् । भेलाले बिभिन्न क्षेत्रमा रहेका सञ्चारकर्मीहरुसँग अन्तरक्रिया कार्यक्रम गर्नुका साथै फिल्डमा कार्यरत सञ्चारकर्मीका समस्याको बिषयमा मत संकलन गर्ने निर्णय गरेको संगठनका जिल्ला अध्यक्ष पौडेलले वताएका छन् । सञ्चारकर्मीको पेशागत सुरक्षा तथा दक्षता अभिबृद्धिमा गर्न सक्ने कार्यहरुका बारेमा सुझाव दिन संगठनले झापाली सवै पत्रकारहरुसंग आग्रह गर्ने निर्णय समेत गरिएको जनाईएको छ ।

यसअघि नेपाल प्रेस युनियन झापाले पनि नेपाल पत्रकार महासंघको आसन्न निर्वाचनलाई लक्षित गरि युनियनका पूर्व केन्द्रीय सदस्य कृष्ण हुमागाईको संयोजकत्वमा सात सदस्यीय एक कार्यदल गरेको युनियनका जिल्ला अध्यक्ष इन्दु पूर्वेलीले वताईन् ।