दमक। हरप्रहर मिडिया प्रालिले संचालन गरेको अनलाईन न्यूज पोर्टल हरप्रहरन्यूज डटकमले अनलाइन संचारमाध्यमको प्रमाणपत्र पाएको छ । यस मिडियाले सञ्चार तथा सूचना प्रविधि मन्त्रालय अन्तर्गत सूचना तथा प्रशारण विभागको अनलाइन पत्रिका संचालनको प्रमाणपत्र पाएको हो ।

दमक झापाका स्थापित संचारकर्मी कमन देवान राई यस मिडियाका सम्पादक रहेका छन् । मिडियाको संचालक भने झापाका स्थापित व्यवसायी शुसिल कुमार राई रहेका छन् ।

हरप्रहरन्यूज अन्लाइन पत्रिका इलामको माङसेबुङमा कार्यालय रहेर संचालनमा आउने यस मिडियाका प्रेस प्रतिनिधि सुसन राईले बताएका छन् । यसैगरी भूकुमारी लिम्बु (भूमिका) पनि यस मिडियाका प्रेस प्रतिनिधि रहेको सम्पादक देवानले बताए ।

विगत डेढबर्षदेखि डोमिन मार्फत अनलाईन न्यूज पोर्टल संचालनमा आएतापनि विविध कारणवस हालै मात्र प्रमाणपत्र पाएको संचालक राईले बताएका छन् । गत माघ २८ गते सूचना तथा प्रशारण विभागको अनलाइन दर्ता २४०५ मा दर्ता भएको न्यूजपोर्टललाई सोही दिन प्रेसकाउन्सिल नेपालमा समेत सूचीकृत गरिएको उनले जनाए ।