बिर्तामोड। आसन्न बिर्तामोड उद्योग बाणिज्य संघको निर्वाचनका लागि बिर्तामोड क्षेत्रमा व्यापार व्यवसाय गर्दै आएका राजवंशी समुदायका व्यवसायीहरु संगठित भएका छन् । उनीहरुले फागुन १६ गतेको बाणिज्य संघको निर्वाचनका विषयमा सोमबार बिर्तामोडमा कार्यक्रम सम्पन्न गरेका छन् ।
बिर्तामोड नगरपालिकाभित्र राजवंशी समुदायबाट ५ सयभन्दा बढीले व्यापार व्यवसाय गर्ने गरेको अन्तक्र्रिया कार्यक्रममा बताइएको थियो । उनीहरुमध्ये बाणिज्य संघको १६ गतेको निर्वाचनका लागि राजवंशी समुदायबाट १ सय १८ जना मतदाता रहेका छन् । अन्तक्र्रिया कार्यक्रममा बोल्ने व्यवसायीहरुले बाणिज्य संघको चुनावमा संयुक्त व्यवासयी प्यानल र व्यवसायीहरुको लोकतान्त्रिक समूह दुवै प्यानलबाट राजवंशी समुदायबाट एक जना पनि उम्मेद्वार नबनाउनु बिडम्बना भएको बताए । उनीहरुले राजवंशी व्यवसायीलाई भोट बैंकका रुपमा मात्र प्रयोग गरेको भन्दै आपत्ति जनाए ।
प्रेम होटलका सञ्चालक सुरेन राजवंशीले १ सय १८ जना मतदाता रहेको बिर्तामोड बाणिज्य संघको चुनावमा राजवंशी उम्मेद्वार शून्य हुनु दुखद् भएको बताए । उनले बर्षौदेखि र सयौंको संख्यामा राजवंशी समुदाय पनि व्यापार व्यवसायमा सक्रिय रहेकाले सबैलाई समेटेर जान बाणिज्य संघका दुवै चुनावी प्यानललाई आग्रह गरे ।
पुरन–हिरालता सपिङ मलका सञ्चालक गोपालचन्द्र राजवंशीले राजवंशी समुदायको प्रतिनिधि बिना बाणिज्य संघको नयाँ कार्यसमिति अपुरो हुने धारणा राखे । उनले नवनिर्वाचित समितिलाई कम्तिमा एक जना राजवंशी सदस्य मनोनित गर्न आग्रह गरे ।
न्यू लाईफ स्टाइलका सञ्चालक प्रमोद राजवंशीले बाणिज्य संघको चुनाव पनि राजवंशी समुदायका लागि ‘भोट बैंक’ मात्र भएको धारणा राखे । उनले ५० जना मतदाता हुने संगठनहरुले उम्मेद्वार पाएको तर, राजवंशी समुदायको १ सय १८ जना मतदाता हुँदा समेत एक जना उम्मेद्वार नपाउनु गम्भीर विषय भएको बताए ।
रोहन चश्मा घरका सञ्चालक राजन राजवंशीले बाणिज्य संघको नवनिर्वाचित कार्यसमितिमा राजवंशी सदस्य मनोनित गराउन सक्रिय पहल गर्न समुदायका आगुवाहरुलाई आग्रह गरे । अन्तक्र्रियामा सहभागीहरुले सोमबार नै ‘राजवंशी व्यवसायी संघ’ समेत गठन गरेका छन् ।
प्रेम होटलका सञ्चालक सुरेन राजवंशी अध्यक्ष रहेको संघको उपाध्यक्षमा गोपालचन्द्र राजवंशी, सचिवमा अर्जुन राजवंशी, कोषाध्यक्षमा चन्द्रमाया राजवंशी चयन भएका छन् । त्यस्तै सदस्यहरुमा राजन राजवंशी, बासुदेव राजवंशी, कमल राजवंशी, मोहनसिंह राजवंशी, दिलिप राजवंशी, लालसिंह राजवंशी र धर्मेश राजवंशी चयन भएका छन् ।
सहभागीहरुले बाणिज्य संघको निर्वाचनमा बढीभन्दा बढी राजवंशी मतदाता एवं व्यवसायीहरुको सहभागीता गराउनेगरी गतिविधि अघि बढाउन जोड दिएका छन् ।
ललितपुर, ताप्लेजुङस्थित धार्मिक तथा सांस्कृतिक आस्थाको केन्द्र मुक्कुमलुङमा निर्माण गर्न लागिएको केवलकार परियोजनाको विरोधमा काठमाडौँको माइतीघरमा विरोध प्रदर्शन गरिएको छ । याक्थुङ (लिम्बु) समुदायको आस्थाको धरोधर मास्न पाइदैन भन्दै आदिवासी जनजाति महासंघ, किरात याक्थुङ चुम्लुङ...
दमक, झापाको दमक नगरपालिकाको आयोजनामा दोस्रो दमक नगरस्तरीय खेलकुद महोत्सवको उद्घाटन भएकाे छ । आइतबार दमक नगरपालिकाको प्राङ्गगणबाट दमक ७स्थित नमुना व्याट्मिन्टनको सभाहलसम्म विभिन्न झाँकी सहित खेलकुद महोत्सवको उद्घाटन गरिएकाे हो । खेलकुद महोत्सवमा फुटबल,...
फेदेन। पान्थर जिल्लाको फेदेनस्थित होटल सरगमको सभाहलमा सनिवार आयोजित याक्थुङ साहित्यको सिन्थेसिस’ कार्यक्रममा सात जना स्रष्टाका एक दर्जन कृतिहरू एकैसाथ लोकार्पण गरिएको छ । प्रमुख अतिथि किरात याक्थुङ् चुम्लुङ चुम्लुङका सङघीय अध्यक्ष तुत्तु गोविन्द आङ्बुङको...
सेसेहाङ चाेडबाङ फेदाप । तेह्रथुम जिल्लाको फेदाप गाउँपालिका–१, सिम्ले मयन्तापा टारीमा रहेकाे महानन्द निङ्लेखु सङ्ग्रहालय तथा अनुसन्धान केन्द्रको विभिन्न सास्कृतीक कार्यक्रमहरू सहित अाज उद्घाटन गरिएकाे छ। कार्यक्रमका प्रमुख अथिती माननीय सन्तोष निङलेखुले पानसमा बत्ती बालेर...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७