दमक। पाँचथर मिक्लाजुङका कालेन्द्र लावतीले उपचारको लागि आर्थिक सहयोगको अपिल गरेका छन् । शल्याक्रिया गर्न लाखौं रुपैयाँ लाग्ने बताइएपछि घरको आर्थिक अवस्था अत्यन्तै नाजुक भएको हुँदा तत्काल उपचार गर्न सहयोगको अपिल गरिएको हो ।

एक हप्ता अघि अस्वस्थ्य भई चेकजाँच गर्ने क्रममा मुटुमा रुयुमेटिक हर्ट डिजिज भई तत्काल सल्याक्रिया गर्न डाक्टरले सल्लाह दिएपछि पैसा अभावका कारण सहयोगको अपिल गरिएको विरामीका दिदी विमला लावतीले बताइन् ।

१७ बर्ष अघि मुटुमा समस्या देखिएपनि उपचार भई निको भई सामान्य जीवन विताइरहेका लावतीको अचानक स्वास्थ्य खराब भएपछि धरान विपि कोइराला अस्पतालमा चेकजाँच गरेपछि थाहा भएको दिदी विमलाले बताइन् । शल्याक्रिया गर्न काठमाडौंको शहिद गंगालाल राष्ट्रिय अस्पतालको मुटु रोग उपचार केन्द्रमा उपचारको लागि लान डाक्टरले सल्लाह दिएको सामाजिक अभियन्ता गगन लावतीले बताए ।

विरामी लावतीले जीवनमरणको दोसाँधमा रहेको हुँदा सम्पूर्णमा सहयोगको याचना गरिएको छ । त्यसैगरी पाँचथर मिक्लाजुङ गाउँपालिका वडा नम्बर ५ ले पनि सहयोग गर्न अपिल गरेको जनाएको छ । सहयोगी मनले विरामीको मोवाइल नम्बर ९८२३४११५४८ र दिदीको मोवाइल नम्बर ९८१५९८७०८४ मा सिधा सम्पर्क गरि सहयोग गर्न सकिनेछ ।