शिवसताक्षी, ७ फागुन । संघीय लिम्बुवान प्रान्तीय, मञ्च शिवसताक्षी वडा नं. १ समितिले कार्यालय औपचारिक रुपमा संचालनमा ल्याएको छ । शिवसताक्षी धरमपुरस्थित फुलबारी चोकमा मञ्चका प्रान्तीय उपाध्यक्ष ज्ञानुहाङ इम्बुङले रिवीन काटेर शनिबार कार्यालय उद्घाटन गरेसँगै कार्यालय संचालनमा आएको हो ।
शनिबार कार्यालय उद्घाटन सँगै पार्टीका वडा कार्यालय एकदिने राजनीतिक अन्तरक्रिया कार्यक्रम समेत गरेको थियो । कार्यक्रममा प्रमुख अतिथिज्यूले पार्टीको आगामी कार्यक्रमहरुको बारे बताउनु भयो । उक्त कार्यक्रममा प्रान्तीय सचिवालय सदस्य दिलबहादुर सेरेङ, सुमन सम्बाहाम्फे, संघीय सदस्य विवेक सुनुवार, पहिचान समिति सदस्य भगिश्वर मेन्याङबो त्यसैगरी जिल्लाका नेताहरुको समेत उपस्थिति रहेको थियो ।
अन्तरक्रिया कार्यक्रममा त्यस वडाका सबै तहका नेताहरुको उपस्थिति रहेको शिवसताक्षी नगरका अध्यक्ष विचारी लावतीले जनाएका छन् ।
कार्यक्रममा वडाका वृद्ध व्यक्तिहरुलाई र बिगत लामो समय ९ वर्ष सम्म आफ्नो घरमा पार्टीलाई कार्यालय कोठा दिएर सहयोग गर्नुहुने समीर चेम्जोङलाई कार्यक्रममा सम्मान गरिएको थियो ।
त्यसैगरी विभिन्न पार्टी परित्याग गरि लिम्बुवानमा प्रवेश गर्नुहुनेहरु सुशीला सेर्मा, विष्णु लक्सम, लक्ष्मी लक्सम, शान्ति लक्सम, मानबहादुर नेम्वाङ र तिलकबहादुर राई खादा ओडाई पार्टीमा स्वागत गरिएको थियो ।
Related