मैवाखोला, ८ फागुन । संघीय लिम्बुवान प्रान्तीय मञ्च, नेपाल मैवाखोला गाउँपालिकाको प्रथम अधिवेशन सम्पन्न भएको छ । शनिबार सम्पन्न अधिवेशनबाट चरण मुहासङको अध्यक्षतामा २१ सदस्यीय कार्य समिति गठन भएको हो ।
मञ्चका जिल्ला सचिव अशोक मादेनको प्रमुख आतिथ्यतामा सम्पन्न अधिवेशनबाट अध्यक्ष मुसाहाङसँगै उपाध्यक्षहरुमा सूर्य नेयोङ, भीमकुमार लिम्बू, सचिवहरुमा उमेश यक्युपा र भीमकुमार वनेम, अर्थसचिवमा शशिहाङ्मा नेयोङ निर्वाचित भएका छन् ।
यसैगरी सदस्यहरुमा हर्कप्रसाद वनेम, जीतबहादुर लिम्बू, खड्क वनेम, मनीहाङ लिम्बू, रामबहादुर लिम्बू, लालबहादुर वनेम, संगीता लिम्बू लगायत रहेका छन् ।
त्यसैगरी सोही अधिवेशनबाट संघीय लिम्बुवान प्रान्तीय युवा मञ्च समेत गठन भएको छ । शुसील लिम्बुको अध्यक्षतामा समिति गठन भएको हो । समितिको उपाध्यक्षहरुमा खडक लिम्बु, सन्तवीर थोप्रा, सचिवमा सूर्य लिम्बु चयन भएका छन् भने सदस्यहरुमा सुरेन सुब्बा, घगेन्द्र लिम्बु, तुम्बाहाङ लिम्बु लगायत १३ सदस्यीय समिति रहेको छ ।
अधिवेशनमा मञ्चका जिल्ला अर्थसचिव केदार ताम्लिङ, जिल्ला सदस्य उमेश वनेम लगायत नेताहरुको उपस्थिति रहेको थियो ।
Related