ताप्लेजुङ, ८ फागुन । संघीय लिम्बुवान प्रान्तीय मञ्च, नेपाल ताप्लेजुङ जिल्लाको आठराईत्रिवेणी वडा १ को अध्यक्षमा गन्जवीर गुरुङ चयन भएका छन् ।
शनिबार साँझ सम्पन्न वडा अविधेशनबाट गुरुङ अध्यक्षमा चयन भएका हुन् । कार्यक्रम संघीय लिम्बुवान सामाजिक मञ्च प्रवास यूकेका केन्द्रीय सदस्य राम पोमूलाई विशेष सम्मान एवम् स्वगत गरिएको थियो ।

कार्यक्रममा विभिन्न पार्टी परित्याग गरि लिम्बुवानमा प्रवेश गरेका थिए । मञ्चका प्रदेश समन्वय समितिका सचिव नविन पोमू, लिम्बुवान प्रान्तीय सचिव मुक्साम लाबुङ र रीता मादेन प्रान्तीय सदस्य अमृता गुरुङको उपस्थितिमा कार्यक्रम भएको थियो । कार्यक्रममा उपस्थिति तथा नव प्रवेशीहरुलाई पार्टीको गतिविधि, आगामी स्थानीय निर्वाचन र पार्टीको भावि कार्यक्रमहरु बारे नेताज्यूहरुले आ–आफ्नो धारणा राखेका थिए ।

उक्त कार्यक्रमले उपाध्यक्षमा मान बहादुर देवली, सचिवमा रामकुमार गुरुङ, सचिवमा जगत पोमू, अर्थसचिवमा सरद कुमार पोमू चयन भएका छन् भने उक्त कार्यक्रमले ४३ सदस्यीय वडा समिति समेत गठन गरेको छ ।