शिटाैला इन्टरप्राइजेजले ल्यायाे दमकमा विद्युतीय स्कुटी

 लिम्बुवान न्युज
                       

दमक , १६ फागुन । झापाको दमकमा पहिलोपटक विद्युतीय स्कुटरको विक्री शुरु भएको छ । सिटौला इन्टरप्राइजेजले आजदेखि दमक ५ संगमस्वीट्स छेउमा कार्यालय स्थापना गरेर विद्युतीय स्कुटर र साईकलको विक्री शुरु गरेको हो ।

उक्त व्यवसायिक गृहको आज दमक नगरपालिकाकी उपप्रमुख गीता अधिकारीले उद्घाटन गरिन् । उनले उद्घाटनका क्रममा विद्युतीय स्कुटी र साईकल वातावरणमैत्री भएकाले यसको प्रयोगमा हामीसवैले जोड दिनुपर्ने औल्याईन् ।

भारतमा निर्मित पियूर कम्पन्नीको विद्युतीय स्कुटर र साईकल विक्री शुभारम्भ कार्यक्रममा दमक उद्योग वाणिज्य संघका अध्यक्ष गोकुल श्रेष्ठ , पियूर कम्पन्नीका नेपाल प्रमुख अशोक खड्गी लगायतले व्यवसायिक सफलताको शुभकामना गरेका थिए ।

दमकका लागि आधिकारिक विक्रेता सिटौला इन्टरप्राईजेजका सञ्चालक निशा सिटौलाका अनुसार इन्धन नचाहिने उक्त स्कुटी फूल चार्ज गरेपछि १२० किलोमिटर कुदुने क्षमता रहेको छ । दुई मोडलका उक्त स्कुटीको मूल्य २ लाख ४९ हजार र २ लाख ६० हजार रहेको छ । शोरुम उद्घाटनका अवसर पारेर स्कुटी ग्राहकहरुलाई लक्षित गरि ८ हजार सम्म छुटको समेत व्यवस्था गरिएको उनले बताईन् ।

इन्टरप्राईजेजले स्कुटी खरिद गर्न चाहनेका लागि एक्सचेन्ज , फाइनान्सको समेत व्यवस्था गरिएको सञ्चालक गंगा सिटौलाले बताए ।
शोरुम शुभारम्भ कार्यक्रममा दमक ५ का वडाध्यक्ष इन्द्र गुरुङ, दमक जेसीजका अध्यक्ष सन्जीव बराल,दमक उद्योग वाणिज्य संघका प्रथम उपाध्यक्ष राजु खड्का,कांग्रेस क्षेत्रीय सचिव मुकुन्द उप्रेती ,विभिन्न संघसंस्था,व्यवसायीहरुको समेत उपस्थिति रहेको थियो ।

सम्बन्धित समाचार

पहिचान आन्दोलनका प्रथम शहीद पदमकुमार लिम्बुको शहादत्ताको चर्चाः समाधिस्थल लगायत विभिन्न स्थानमा स्मृतिसभा सम्पन्न

दमक, १० चैत्र । प्रदेश नं. १ को नामाङकन कोशी राखेसँगै उठेको पहिचानवादी आन्दोलनको प्रथम सहिद पदमकुमार लिम्बू (लाजेहाङ) शहादत्त भएको आज एक बर्ष पुरा भएको छ । शहीद लाजेहाङको साहदतको चर्चा गर्दै शनिबार मोरङको...

महागुरु फल्गुनन्दको समाधिमा शालिक नराख्न संघको अनुरोध

दमक, १० चैत्र । पाँचथर जिल्लाको फाल्गुनन्द गाउँपालिकास्थित वडा नं. २ र ३ तथा फिदिम नपा वडा नं. ३ को संगम स्थल सिलौटीमा राष्ट्रिय विभूती महागुरु फाल्गुनन्दको शालिक नराख्न सो क्षेत्र संरक्षण गर्दै आएका किराती...

इलाम २ मा पत्रकार मिलन लिम्बुको स्वतन्त्र उम्मेदारी घोषणा

दमक, ४ चैत्र । नेपाल आदिवासी जनजाती पत्रकार महासंघका केन्द्रीय महासचिव मिलन लिम्बूले इलाम २ को प्रतिनिधिसभा सदस्य उपनिर्वाचनमा उम्मेदवारी घोषणा गरेका छन् । आइतबार काठमाडौं अनामनगरस्थित युनियन हाउसमा आयोजित पत्रकार सम्मेलनमा उनले उपनिर्वाचनमा स्वतन्त्र...

इलाम २ मा डकेन्द्रसिंह थेगीम लिम्बु पहिचान पक्षधरहरुको साझा उम्मेदवार घोषणा

ललितपुर, चैत्र ३ । ‘कोशी’ नाम विरुद्व आन्दोलनरत प्रदेश नं. १ पुनः नामाङकन संयुक्त संघर्ष समितिले पहिचान पक्षधरहरुको आसन्न इलाम क्षेत्र नम्बर २ को प्रतिनिधिसभा उपनिर्वाचनमा साझा उम्मेदवार घोषणा गरेका छन् । संघर्ष समितिले बिहीबार...