चुम्लुङको कनकाई अध्यक्षमा प्रेमकुमार फोम्बो

 लिम्बुवान न्युज
                       

झापा। किरात लिम्बु जातिहरु साझा संस्था किरात याक्थुङ् चुम्लुङ् कनकाई नगर अध्यक्षमा प्रेम कुमार फोम्बो निर्वाचित भएका छन् । शनिबार कनकाई दुर्गापुरको सामुदायिक भवनको सभाहलमा सम्पन्न तेस्रो अधिवेशनले नयाँ कार्य समिति चयन गरेको हो ।

चुम्लुङका राष्ट्रिय सदस्य अमृत योङहाङको प्रमुख आतिथ्यतामा कार्यक्रम सम्पन्न भएको हो । अधिवेशनले सन्तोष आङभाङको सांगठानिक प्रतिवेदन र गीता चेम्जोङले पेश गरेका आर्थिक प्रतिवेदन पारित गरेसँगै पुरानो समिति भङ्ग गरेको थियो ।

अधिवेशनको लागि फोम्बोको अध्यक्षतामा १५ सदस्यीय आगामी ३ बर्षको लागि नयाँ कार्य समिति चयन गरेको छ । समितिको उपाध्यक्षमा मंगल सिङ तेङबुङ, सचिवमा गोविन्द साँवा, सह सचिवमा सन्तोष आङभाङ, कोषाध्यक्षमा गीता चेम्जोङ, सदस्यहरुमा निर्मल आङथुपो, बसन्त मेयाङवो, गंगा आङवोहाङ, अमर मेयाङवो, अस्मिता सेनेहाङ, युनिसा साउदेन, तारा सेम्बु, हेमराज लिङदेन, रञ्जु लिम्बू र किसोर साम्भु निर्विरोध निर्वाचित भएका थिए ।

उक्त अधिवेशनलाई गोविन्द साँवा, निर्मल आङथुपो, छत्र कुरुम्बाङ, धनपाल कन्दङवा र भक्त मेन्याङबो लगायतका बुद्धिजिवीहरुले शुभकामना मन्तव्य दिएका थिए । अधिवेशनको अध्यक्षता रुद्र बहादुर तबेबुङले गर्नु भएको थियो भने स्वागत मन्तव्य हस्त वनेमले गरेका थिए । कियाचु कनकाई समितिका सचिव सन्तोष आङभाङले कार्यक्रम संचालन गरेका थिए ।

 

सम्बन्धित समाचार

दमकमा तीन दिने माेवाइल पत्रकारिता तालिम हुने

दमक,असार ५ । झापाको दमकमा ३ दिने मोबाइल पत्रकारिता तालिम हुने भएको छ । झापा जिल्लाको माइ पश्चिम तथा इलामको माङसेबुङ र चुलाचुली गाउँपालिकको साझा संस्था पत्रकार मञ्च दमकको आयोजनामा दमक ८ स्थित मञ्चको सभाहलमा तालिम...

याक्थुङ मुन्चइत् चोक सयङको अध्यक्षमा सागर केरुङ् निर्वाचितः १३ बुँदे प्रस्ताव सार्वजनिक

ललितपुर, ५ असार । याक्थुङ मुन्चइत् चोक सयङको चौथो राष्ट्रिय महाधिवेशन काठमाडौंस्थित् चुम्लुङहिममा सम्पन्न भएको छ । मंगलबार र बुधबार (आज) दुई दिन संचालन भएको कार्यक्रमले सागर केरुङको अध्यक्षतामा नयाँ कार्यसमिति चयन गर्दै सम्पन्न भएको...

प्रदेश १ पुनः नामाङकन संयुक्त संघर्ष समितिद्वारा ११ बुँदे निर्णय सार्वजनिकः मंसिर २ गते विराटनगरमा विशाल जनप्रदर्शन

ताप्लेजुङ, फुङ्लिङ्, २ असार । प्रदेश नं. १ पुनः नामाङकन संयुक्त संघर्ष समितिले नयाँ चरणको आन्दोलन सुरु गर्ने घोषणा गरेको छ । ताप्लेजुङको फुङलिङ बजार स्थित स्नो लियोपार्ड होटलमा बसेको दुई दिने बैठकको अन्तिम दिन...

प्रदेश १ पुनः नामाङकन संयुक्त संघर्ष समितिको दुई दिने बैठक बस्दैः राजनैतिक मोर्चा गठनबारे छलफल हुने

ताप्लेजुङ, फुङलिङ् १ असार । ताप्लेजुङको फुङ्लिङस्थत बजारमा प्रदेश १ पुनः नामाङकन संयुक्त संघर्ष समितिको दुई दिने भौतिक बैठक आजबाट बस्दैछ । प्रदेश १ को नाम कोशी खारेज गर भन्ने नाराका साथ असार १ र...