काठमाडौं। थरुहट थारुवान संयुक्त मोर्चाले १० लाख हस्ताक्षर संकलन गरेर राष्ट्रपतिलाई ज्ञापन पत्रसहित बुझाउने बताएको छ । गत शनिबार कैलालीको हसुलियामा आयोजित थरुहट थारुवान राष्ट्रिय सम्मेलनको वृहत सभाको दोस्रो दिनको बन्दसत्रले यस्तो निर्णय गरेको हो ।

उक्त सम्मेलनको बन्दसत्रले विभिन्न विषयमा महत्वपूर्ण निर्णय गर्दै पहिचानवादी घटहरुसँग सहकार्य गर्दै राज्यले गरेको विभेदको विरुद्ध र थारु बन्दीहरुको रिहाईको लागि आन्दोलन घोषणा गर्ने जनाएको छ । चैत्र २० देखि ३१ सम्म तराईको सबै जिल्लाहरुमा अन्तरक्रिया गर्ने मोर्चाले जनाएको छ ।

थरुहट थारुवान एकता, मोर्चाबन्दी, साझा मुद्दा र साझा संघर्षको लागि शान्तिपूर्ण विद्रोह गर्ने मोर्चाले बन्दशत्रमा निष्कर्ष गरेको छ । सम्मेलनको मुख्य नारा “समानता, न्याय, अधिकारका लागि एवं दासता विरुद्ध थरुहट थारुवान राष्ट्रिय सम्मेलन” रहेको थियो । सम्मेलनमा विभिन्न पहिचानजन्य घटकहरुले प्रतिबद्धता जनाएको मोर्चाको का.वा. संयोजक श्रवण थारुहरुले बताए ।

सम्मेलनले निकालेको प्रेसविज्ञप्ति जस्ताको तस्तैः