प्रचण्ड-माधव पक्षका केन्द्रीय सदस्यहरुको तीन पन्नामा हस्ताक्षर संकलन

 लिम्बुवान न्युज
                       

काठमाडौं । नेकपा प्रचण्ड–माधव समूहको केन्द्रीय बैठकमा केन्द्रीय सदस्यहरुको हस्ताक्षर संकलन गरिएको छ । आज पार्टी कार्यालय पेरिसडाँडामा बसेको बैठकले केन्द्रीय सदस्यहरुलाई तीन ठाउँ फरक पन्नामा हस्ताक्षर संकलन गरिएको हो ।

अघिका हस्ताक्षरहरु अव्यवस्थित भएको हुँदा हस्ताक्षर संकलन व्यवस्थित र ओरिजिनल होस् भनेर सबै केन्द्रीय सदस्यहरुलाई तीन पनामा हस्ताक्षर गराईएको जनाइएको छ । साथमा सबै केन्द्रीय सदस्यहरुको नागरिकताको प्रतिलिपि र पार्टी परिचयपत्र समेत संकलन गरिएको छ ।

यो हस्ताक्षर संकलन निर्वाचन आयोगमा पार्टी वैधानिकता दाबी गर्ने प्रयोजनका लागि गरिएको बताइएको छ । यस बैठकले आयोगमा वैधानिकताको दबाब, संसद र सरकार निर्माणमा निर्णय लिन भने सचिवालय र स्थायी कमिटीलाई जिम्मेवारी दिइएको छ ।

केन्द्रीय कमिटी बैठक शुरु हुनु पूर्व स्थायी कमिटी सदस्यहरुको बैठक बसेको थियो । स्थायी कमिटी बैठकले सुवास नेम्वाङ, महेश बस्नेत, विशाल भट्टराई लगायत सात जनालाई कारवाही गरेको छ ।

सम्बन्धित समाचार

मंसिर २६ र २७ गते मध्ये पहाडी लोकमार्ग बन्द हुने: ओखलढुङ्गामा पक्राउ भएका नेता रिहा

काठमाडौं, २० मंसिर । प्रदेश १ पुनः नामाङकन संयुक्त संघर्ष समितिले आगामी २६ र २७ गते मध्ये पहाडी लोकमार्ग अन्तरर्गत घुर्मीदेखि लेगुवाघाटसम्म सडक बन्दको घोषणा गरेको छ । एमालेको मध्ये पहाडी यात्रामा कोशी नाममा हस्ताक्षर...

फाक्फोकथुममा मंसिर २५ र २६ गते चासोक तङ्नाम मेला लाग्दै

दमक, १९ मंसिर । इलाम जिल्लाको फाक्फोकथुम ४ स्थित लिम्बु गाउँमा  चासोक तङ्नाम रमाईलो मेला लाग्ने भएको छ । बिगत १६ बर्ष देखि निरन्तर लागिरहेको मेला विगत बर्ष झैं मंसिर २५ र २६ गते दुई...

फालेलुङमा संघर्ष समिति र पहिचानका लागी युवा गठन

दमक, १९ मंसिर ।  पाँचथर जिल्लाको फालेलुङ गाउँपालिकामा प्रदेश नं.१ पुनः नामाङकन संयुक्त संघर्ष समिति र पहिचानका लागि युवा दस्ता गठन भएको छ। पहिचानवादीहरुको भेलाले धन बहादुर केरुङको संयोजकत्वमा २१ सदस्यीय संयुक्त संघर्ष समिति र...

किरात धर्मगुरु आत्मानन्द लिङ्देनको जन्मोत्सवमा सार्वजनिक विदा

दमक, १६ मंसिर । किरात धर्मका वर्तमान धर्मगुरु आत्मानन्द लिङ्देनको जन्मोत्सवमा इलामको माङसेबुङ गाउँपालिकाले सार्वजनिक विदा दिने भएको छ । धर्मगुरु लिङ्देनको ७०औँ जन्मोत्सवमा मंसिर १८ गते सोमबारका दिन स्थानीय सरकारले विदा घोषणा गरेको हो...