दमक। पूर्वपश्चिम लोकमार्ग अन्तर्गत झापाको कनकाई नगरपालिका सुरुंगा सडक खण्डमा तीन सवारी साधन ठोकिएर सडक दुर्घटना भएको छ । दुर्घटनामा २ जनाको मृत्यु भएको जिल्ला ट्राफिक प्रहरी कार्यालय झापाले जानकारी दिएको छ ।

प्रदेश १–०४–००१च ०१६७ नम्बरको कार, प्रदेश १–०१३ प १७८३ नम्बरको मोटरसाइकल र विपरित दिसाबाट आएकाे को१ख १६८४ नम्बरको ग्यास बोकेको ट्रक एकआपसमा ठाेकिन्दा दुर्घटना भएको हो ।

दुर्घटनामा कारमा सवार सुनसरी धरान १६ का २८ बर्षीय चालक दिपक क्षेत्र र सोलु पासाङ १ का ३० बर्षीय दिलिप राना मगरको उपचारको क्रममा वि एण्ड सि अस्पतालमा मृत्यु भएको छ । घाइते ४ जना जनाको अवस्था चिन्ताजनक रहेको अस्पताल श्रोतले बताएको छ् । ग्यासको ट्रकले ओभरट्याक गरेको प्रहरीको भनाई छ । प्रहरीको अनुसार ट्रक चालक फरार भएका छन् ।