लिम्बुवानखबर। इलामको फाकफोकथुम ४ फुएतप्पाको लिम्बु गाउँमा चैत २० गते देखि अध्यक्ष कप फुटबल प्रतियोगिता हुने भएको छ । फाकफोकथुम गाउँपालिकाको सहयोगमा फुङ्वा युवा क्लबले आयोजना गर्ने कार्यक्रमको फाइनल नयाँ बर्ष २०७८ बैशाख १ गते सम्पन्न गर्ने जनाइएको छ ।

अध्यक्ष कप फूटबलको विजेतालाई १ लाख र उपविजेताले ५० हजार सहित ट्रफि र प्रमाणपत्र पुरस्कार जित्ने छ । उक्त प्रतियोगितातामा गाउँपालिकाको १६ वटा टिम सहभागी हुने आयोजक जनाएको छ ।

प्रतियोगितामा आधिकारिक रुपमा जिल्ला प्रशासन कार्यालय वा अन्य निकायमा दर्ता भएको क्लबहरुले मात्र भाग लिन पाउने छन् भने खेल ७ साइडको हुने छ ।

फाइनल खेलको दिन बैशाख १ बृहत सांस्कृतिक कार्यक्रम तथा प्रदर्शनी समेत हुने भएको छ । फुङ्वा युवा क्लब स्थापना काल देखी नै फुएतप्पा महोत्सव, सांस्कृतिक कार्यक्रम, जनचेतनामुलक विविध कार्यक्रम एवं जनसहभागितासँगै विकास निर्माण कार्य गर्दै आइरहेको अध्यक्ष फुर्सद योङहाङ बताए ।

हरेक बर्ष फाकफोकथुमका विभिन्न वडाहरुमा अध्यक्ष कप हँुदै आएको छ । फुएतप्पाको लिम्बु गाउँमा हुने अध्यक्ष कप प्रतियोगिता एवं बैशाख १ गते बृहत सांस्कृतिक कार्यक्रम सहित हुने फाइनल खेलमा स्थानीयहरु मौलिक पहिचान एवं मौलिक संस्कार समेत अवलोकन गर्न सकिने भएकोले नयाँ बर्षमा धेरै दर्शक आउने त्यस क्षेत्रका सामाजिक अभियन्ता दिपक योङहाङले बताए ।