सरकार र विप्लव बिच तीन बुँदे सहमतिमा हस्ताक्षर

 लिम्बुवान न्युज
                       

काठमाडौं । नेपाल सरकार र नेपाल कम्यूनिष्ट पार्टी विप्लव बिच तीन बुँदे सहमति पत्रमा हस्ताक्षर भएको छ । शुक्रबार राष्ट्रियसभा गृहमा अयोजित कार्यक्रममा सरकारको तर्फबाट गृहमन्त्री राम बहादुर थापा बादल र विप्वलको तर्फबाट वार्ता समिति संयोजक प्रवक्ता खडग बहादुर विश्वकर्मा प्रकाण्डले हस्ताक्षर गरेका छन् ।

सोही हस्ताक्षर समारोहलाई सम्बोधन गर्दै प्रधानमन्त्री केपी शर्मा ओलीले देश शान्तिपूर्ण युगमा प्रवेश गरेको बताएका छन् । आज सरकार र विप्लव समूहबीच भएको ३ बुँदे सहमतिमा हस्ताक्षर गर्न आयोजित समारोहलाई सम्बोधन गर्दै उनले भने अब नेपालमा हिंसात्मक द्वन्द्व छैन ।

ओलीले भने, ‘अब यो देशमा कुनै पनि पार्टीले हिंसात्मकको बाटो रोज्ने छैनन् अब देश समृद्धि तर्फ अगाडि बढछ । द्वन्द्व सधैको लागि अन्त्य भएको घोषणा गरेका छन् । प्रधानमन्त्री ओलीले लामो सम्वादपछि विप्लव समूह शान्तिपूर्ण राजनीतिको बाटोमा आउनु भनेको राजनीतिमा सेफ ल्याण्डिङ भएको बताए । महासचिव नेत्रविक्रम चन्दले नेपाली जनताको मन जितेको बताउनु हुँदै यो साहसिक कदम प्रति धन्यवाद व्यक्त गरेका छन् ।

यसै समारोहलाई सम्बोधन गर्दै नेपाल कम्युनिस्ट पार्टी विप्लव समूहका महासचिव विप्लवले शान्तिपूर्ण राजनीतिमा आउने सहमतिप्रति प्रतिवद्ध रहेको बताए । उनले ६ वर्षअघि लिएको एकीकृत जनक्रान्तिको कार्यक्रम भने यथावत नै रहेको बताउँदै वर्तमान संसदीय प्रणालीमा रहेको कमजोरीको व्याख्या गर्दै वैज्ञानिक समाजवादबारे जनमत संग्रहको माग पनि राखेका छन् ।

समय बदलिएको संकेत गर्दै उनले भने, ‘कम्युनिस्टहरु विद्रोह मात्र गर्दैनन्, जब परिस्थिति बदलिन्छ र राज्यले आफ्नो भूमिका पूरा गरेको स्थितिमा कम्युनिस्टहरु शान्तिका दूत पनि हुन् ।’

सरकारसँग भएको सहमतिप्रति कार्यान्वयन गर्नेमा विशेष जोड दिएका विप्लवले आफ्नो माग पूरा हुने वातावरण बनाउन पनि माग गरे । ‘आवश्यक पर्दा प्रत्यक्ष ढंगले नेपालको भविष्यबारे जनमत दिने अधिकार पाउनुपर्छ, हामी त्यसका लागि तयार छौं’, उनले भने ।

(तस्वीरः फाइल तस्वीरबाट)

सम्बन्धित समाचार

स्रष्टा पब्लिकेसनले ल्यायो “सपनाहरुको बही”

दमक, जेष्ठ १२/ शुक्रबार झापाको दमकमा पूर्वेली साहित्यकारहरुको बाक्लो उपस्थितिमा साहित्यकार अभागी थेगुवाको कविता सङग्रह ‘सपनाहरुको बही’ को लोकार्पण भएको छ । झापाको दमक स्थित गोर्खा किचनको सभाहलमा स्रष्टा पब्लिकेसनद्वारा प्रकाशित साहित्यकार थेगुवाको कविता सङग्रह...

उभौली र यक्वा तङ्नाममा प्रदेशमन्त्री र सदस्यहरु आए अवरोध हुने

ललितपुर, ११ जेठ । प्रदेश १ मा बसेबास गर्ने किरात राई, लिम्बू (याक्थुङ्), सुनुवार, याक्खा लगायत किराती समुदायको विहीबार वैशाख शूल्क पूर्णिमादेखि साकेला उभौली चार्ड सुरु भएको छ । यो बर्ष पनि किरातीहरुले यो पर्वलाई...

माङसेबुङ ६ मा पाँच दिने आधारभूत उद्घोषण तालिम सुरु

दमक, झापा । इलामको माङसेबुङ गाउँपालिकामा पाँच दिने आधारभूत उद्घोषण तालिम सुरु भएको छ । वडास्तरीय महिला समन्वय समितिको आयोजनामा मंगलबार देखि माङसेबुङ ६, चिसोपानी स्थित बाँझो स्वास्थ्य कार्यालयको सभाहलमा उक्त तालिम सुुरु भएको हो ।...

किरातीहरुले मनाउँदै उभौली

ललितपुर, १० जेठ । किरात जातीहरुले हरेक वर्ष वैशाख शुक्ल पूर्णिमाका दिन भूमेस्थानहरुमा पूजा आराधना गरी उभौली मनाउँदैछन् । बालीनाली लगाउनुअघि विभिन्न गाउँठाउँमा रहेका भूमेस्थान लगायत प्राकृतिक स्थलहरुमा राम्रोसँग फलोसफुलोस् भनी प्रकृतिको पूजा आराधना गरिने...