रविबजार। पान्थर मिक्लाजुङ गाउँपालिकाले धान र मकै उत्पादन गर्ने एक सय २६ जना कृषकलाई नगद सहित सम्मान गर्दै नवौं गाउँसभा सम्पन्न गरेको छ ।
विहीबार सभाले कृषक प्रोत्साहन कार्यविधि २०७७ पारित गरेसंगै पालिकाले लागु गरेको मापदण्ड अनुसार धान र मकै उत्पादन गर्ने एक सय २६ जना कृषकलाई नगद सहित सम्मान गर्दै गाउँपालिकाको नवौं गाउँसभा सम्पन्न भएका हो ।
पालिकाको सो कार्यविधि अनुसार वडा १ बाट ३, २ बाट ११, ३ बाट २३, ४ बाट १४, ५ बाट २१, ६ बाट १२, ७ बाट १४ र ८ बाट २७ जना नगद १ लाखका दरले सम्मानित भएका छन् । पुरस्कृत कृषकहरुले धान ४० मुरी वा सोभन्दा माथि र मकैं २० फिट लम्बाईसँगै ४ फिट उचाईको थाङ्ग्रो हुनु पर्ने मापदण्ड तयार पारिएको थियो ।
पुरस्कृत कृषकलाई गाउँपालिका अध्यक्ष अमरराज माखिम र उपाध्यक्ष उर्मिला राईले नगद एक लाख रुपैयाँ हस्तान्तरण गर्दै सम्मान गरेको प्रमुख प्रशासकीय अधिकृत अनिल तिखत्रीले बताए । कृषि पेशामा आवद्ध रहेका उनीहरुलाई हौसला मिल्ने यस किसिमको कार्यक्रमले आम कृषकमा खुशी छाएको अधिकृत तिखत्रीले जनाएका छन् ।
स्थानीय सरकार प्रति खुशी व्यक्त गर्दै थप मेहनत र परिश्रम गर्ने जिम्मेवारी पाएको स्थानीयले कृषकहरुले महसुस गरेका छन् । सभामा कृषि सम्बन्धि नीति तथा कार्यक्रम समेत निर्माण गर्दै अन्य कार्यक्रमहरु समेत संशोधन गरिएको जनाइएको छ ।
कार्यक्रममा यस पालिकाको चालु तथा पुँजिगत योजना र कार्यक्रमको एकीकृत खर्च विवरण सहितको प्रतिवेदन प्रस्तुत गरिएको थियो ।
हरेक कार्यक्रमलाई तीव्रताका साथ संचालन र सम्पन्न गर्दै आएको यस पालिकाले गत आर्थिक वर्षमा जम्मा बजेटको ८४ प्रतिशत खर्च गरेको थियो भने, यस आर्थिक वर्ष २०७७/०७८ मा ४९ करोड १३ लाख ५३ हजार पाँच सय ८० रुपैयाँ बजेट मध्ये हाल सम्म ३८ प्रतिशत मात्रै कोभिड–१९ को प्रभावका कारण खर्च भएको लेखा अधिकृत दिपेन्द्र चेम्जोङले बताए ।
पालिका अध्यक्ष माखिमको अध्यक्षतामा सम्पन्न कार्यक्रममा उपाध्यक्ष राई, वडाध्यक्षहरु लगायतले मन्तव्य राखेका थिए ।
ललितपुर, २१ पुष । ताप्लेजुङस्थित पवित्र धार्मिक तथा पर्यटकीय स्थल मुक्कुमलुङ संरक्षणका लागि पुनः आन्दोलन घोषणा गरिएको छ । विगत ६ बर्षदेखि आन्दोलनरत संघ संगठनहरुले पुनः संरक्षणको लागि आन्दोलन घोषणा गरेका हुन् । लामो समयदेखि...
झापाको दमकमा सम्पन्न मैत्रीपूर्ण फुटसल प्रतियोगिता २०८२ को उपाधि रोटरी क्लब अफ दमकले जितेको छ । पत्रकार मञ्च दमकको आयोजनामा पुष २१ गते आयोजित एक दिने प्रतियोगिताको फाइनल खेलमा कदम थिएटर दमकलाई ७–१ गोल अन्तरले हराउदै रोटरी च्याम्पियन बनेको हो । विजेता टिमले सेमिफाइनल खेलमा दमक नगर कर्मचारीलाई हराएको थियो भने कदमले आयोजक पत्रकार मञ्च दमक (निलो) लाई हराउदै फाइनल प्रवेश गरेको थियो । यसैगरी व्यक्तिगत विधातर्फ उत्कृष्ट गोलकिपर रोटरीका विसु राई चुनिदा, उत्कृष्ट खेलाडीको उपाधि कदमका दिपेश मगरले हात पारे । त्यस्तै प्रतियोगिता भरी ५ गोल गरेका रोटरीका सावन अधिकारीले हाइ स्कोररको पुरस्कार प्राप्त गरे । प्रतियोगिताको विजेताले नगद १५ हजार रुपैयाँ सहित ट्रफि मेडल र प्रमाणपत्र प्राप्त गरे भने उपविजेताले नगद १० हजार रुपैयाँ सहित ट्रफि मेडल र प्रमाणपत्रमा चित्त बुझाए । विजेता खेलाडीहरुलाई मञ्चका अध्यक्ष कमन देवान, औपचारिक कार्यक्रमका प्रमुख अतिथि दमक ९ का वडा अध्यक्ष कुबेर भट्टराई, अतिथिहरु इलाका प्रहरी कार्यलय दमकका प्रहरी निरीक्षक नवीन राई, विधा लक्ष्मी स्कुल दमक ४ का प्रधानाध्यापक भूपाल काफ्ले, दमकका युवा व्यवसायी रवि बस्नेत लगायतले पुरस्कार वितरण गरेका थिए । पत्रकार मञ्च दमकको आयोजनामा भएको प्रतियोगितामा दमक नगरपालिका, उधोग वाणिज्य संघ दमक, रोटरी क्लब अफ दमक, कदम थिएटर दमक, लायन्स क्लब अफ दमक, दमक जेसिस सहित राजनैतिक दलकाे सहभागिता रहेकाे थियाे । तस्वीरः सजन राई
जेनजी आन्दोलनको घटना छानबिनका लागि गठन भएको जाँचबुझ आयोगले तत्कालीन प्रधानमन्त्री केपी शर्मा ओलीलाई बयानका लागि पत्र पठाएको छ। आयोगले तत्कालीन गृहमन्त्री रमेश लेखकसँग बयान लिइसकेपछि पूर्वन्यायाधीश गौरीबहादुर कार्की नेतृत्वको आयोगले ओलीलाई पत्र पठाएको हो। आयोगले यसअघि...
ललितपुर, १२ पौष । उज्यालो नेपाल पार्टीको ताप्लेजुङ जिल्ला तदर्थ समिति गठन गरिएको छ । शनिबार पार्टीको केन्द्रीय सदस्य प्रा.डा.महेन्द्र लावतीको प्रमुख आतिथ्यतामा फुङलिङमा आयोजित एक कार्यक्रमले प्रदिप मादेन ‘नानी’को अध्यक्षतामा २९ सदस्यीय तदर्थ समिति...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७