सुर्खेत।संघीय लोकतान्त्रिक राष्ट्रिय मञ्चले सांगठानिक तथा राजनीतिक भेटघाटलाई तिब्रता दिएको छ । मञ्चले संघीय मगरात मञ्चको आव्हानमा सुर्खेतको विभिन्न स्थानीय तहहरुमा संगठन विस्तार गरेको छ ।

मञ्चका संघीय सचिव शान्ता योङहाङ्को अगुवाईमा कार्यक्रम भईरहेको मञ्चले जनाएको छ । लिलाराम राम्जाली मगरको अध्यक्षतामा संघीय मगरात मञ्च, नेपाल पञ्चपुरी नगरसमिति गठन भएको छ । संगठनको उपाध्यक्षमा नन्दराम राम्जली मगर, सचिवमा पूर्ण बहादुर थापा, सहसचिवमा उषा बलामी मगर, अर्थसचिवमा पहलसिंह तारामी मगरलाई जिम्मेवारी दिइएको छ । त्यसैगरी सदस्यहरुमा रामबहादुर सिजाली मगर, भविलाल राम्जली मगर, भुमी सुनार, देविराम तारामी मगर, धर्म बहादुर राम्जली मगर र प्रेम पुलामी मगर चयन भएका छन् ।

यसैक्रममा सुर्खेतको चौकुनेमा मन बहादुर थापा मगरको संयोजकत्वमा संघीय मगरात मञ्च, नेपाल चौकुने नगर तदर्थ समिति गठन भएको छ । समितिको सदस्यहरुमा उदय कामी, नौरुप देवी मगर, चित्रकला नाम्जाली मगर, सुर्य गुरुङ, कर्ण बहादुर ग्रन्जा मगर र पूर्ण बहादुर थापा मगरलाई जिम्मेवारी दिइएको महेन्द्र विद्रोहीले जानकारी दिएका छन् ।

मेचीकाली अभियानको क्रममा गठित संघीय मगरात मञ्च, नेपालको प्रान्तीय समितिले कामहरु निरन्तर रुपमा अगाडि बढाईरहेको संयोजक मोहन थापा मगरले बताए । मगरातको सबै जिल्लाहरुमा जिल्ला समिति र स्थानीय तहमा समेत गठनलाई निरन्तरता दिने संयोजक मगरले बताए ।

यसैक्रममा सुर्खेतका १८ वादी परिवारलाई संघीय लोकतान्त्रिक राष्ट्रिय मञ्चले राहत वितरण गरेको छ । मञ्चका संघीय सचिव शान्ता योङ्हाङ्ले एक कार्यक्रममा उक्त राहत वितरण गरेकी युवा नेता महेन्द्र विद्रोहीले बताए ।