खुवालुङ् अभियन्तालाई छोड्न प्रशासनलाई २४ घण्टे अल्टिमेट

 लिम्बुवान न्युज
                       

लिम्बुवान। प्रहरी हिरासतमा राखिएका खुवालुङ क्षेत्र संरक्षण समितिका सदस्य दिनेश काम्दुङ राई र साजन राईलाई बिना शर्त छाड्न माग गरेको छ ।

खुवालुङ क्षेत्र संरक्षण समितिले बिहीबार साँझ विज्ञप्ति जारी गर्दै २४ घण्टाभित्र हिरातमा लिइएका द्वय अभियन्ताहरुलाई रिहाई गर्न प्रहरी प्रशासनलाई अल्टिमेटम दिएको हो ।

खुवालुङ बचाउ अभियानका अभियन्ताहरुलाई स्टीमर बोटबाट खुवालुङ (त्रिवेणी घाट) लैजाने विषयमा सप्तकोशीका बोट सञ्चालकहरुसँग भएको सामान्य विवादलाई तोडमोड बनाई बिहीबार उनीहरु दुवै जनालाई महेन्द्रनगरस्थित इलाका प्रहरी कार्यालयमा छलफलको लागि भन्दै डाकेर प्रहरीले हिरासतमा लिएको थियो ।

संरक्षण समितिका सचिव दिला राईबाट जारी बिज्ञप्तिमा –‘उक्त विषयलाई सहज समाधान गर्नको सट्टा विषय अन्तर गरी सुनुयोजित एवम् षड्यन्त्रमूलक ढङ्गबाट अभियान्ताकर्मीहरुलाई राज्य प्रशासनले विभेद्पूर्ण ढङ्गबाट पक्राउ गरिएकोमा यस घटनाले हामी सम्पूर्ण सरोकारवालाका लागि कुनै पनि हिसाबले स्वीकार्य छैन ।’ भनिएको छ

प्रहरीले राईद्वयमाथि मुद्दा चलाउने षडयन्त्र गरेको भन्दै विज्ञप्तिमा तत्काल हिरासतमुक्त नगरे खुवालुङ संरक्षणमा क्रियाशील संघसंस्थाहरुले निर्णायक आन्दोलन थाल्ने चेतावनी समेत विज्ञप्तिमा दिइएको छ ।
बिहीबार प्रहरीले उनीहरुलाई हिरासतमा लिएको घटनाको विरोध गर्दै आदिवासी जनजाति साहित्यकार महासंघ, नेपालका संयोजक राजन मुकारुङले फेसबुकबाट विरोध गरेका थिए । लगत्तै राईद्वयलाई गिरफतार गरिएको घटनाको सामाजिक सञ्जालमा व्यपक विरोध सुरु भएको छ ।

खुवालुङ दूधकोशी, अरुण र तमोर नदीको त्रिवेणीमा रहेको ढुङ्गा हो । जुन डुङ्गालाई किरात समुदायको मुन्धुमी मिथ, शक्ति र आस्थाको प्रतीक मानिन्छ भने किरातीहरु त्यहाँबाट छुट्टिएको इतिहास पनि छ ।

गत फागुन ८ गते बिराटनगरमा प्रधानमन्त्री केपी शर्मा ओलीले आफ्नो पक्षको कार्यक्रमलाई सम्बोधन गर्दै स्टिमर बोट सञ्चालनमा बाधा पुर्याएको भन्दै खुवालुङलाई क्रेन लगाएर फुटाउने अभिव्यक्ति दिएका थिए ।

प्रधानमन्त्रीको सो अभिव्यक्ति किराती समुदायको आस्थामाथिको प्रहार भएको ठहर गर्दै खुवालुङ संरक्षणको लागि विभिन्न संघसंस्थाहरुले अभियान सञ्चालन गरिरहेका छन् । यस अभिव्यक्तिलाई प्रदेशका मुख्यमन्त्री शेरधन राईले भने वचाउ गरेका थिए ।

सम्बन्धित समाचार

संयुक्त पहिचानवादी मोर्चा भोक्राहानरसिंह गाउँपालिका गठन

सुनसरी, ७ जेठ । संयुक्त पहिचानवादी मोर्चा भोक्राहानरसिंह गाउँपालिका समिती गठन भएको छ । रहमतुलम मन्सुरीको संयोजकत्वमा २९ सदस्य समिती गठन गरिएको हो । यसैगरी सहसंयोजकमा हसबुल मिया, सदस्य सचिवमा वादिल अन्सारी, सह-सचीवमा खतिजा खातुन...

केवलकार निर्माण नारोकिए कडा संघर्ष गर्ने चेतावनी

ललितपुर, ६ जेठ । मुक्कुमलुङ संरक्षण तथा केवलकार निर्माण खारेजी तत्काल नरोकिए कडा प्रतिवाद गर्ने चेतावनी दिएका छन् । केवलकार निर्माणलाई विकासको योजना भन्दै उपनिवेशीकरण, अतिक्रमण, मानवअधिकार उल्लंघन तथा जबर्जस्ती अगाडि नबढाउन ललितपुरमा आयोजित पत्रकार...

गंगा साउदेनको संयोजकत्वमा संयुक्त पहिचानवादी मोर्चा गठन

दमक, ६ जेठ । इलामको चुलाचुलीमा संयुक्त पहिचानवादी मोर्चा गठन भएको छ । मंगलबार चुलाचुलीस्थित आपझोलामा भएको एक कार्यक्रमले गंगा साउदेन लिम्बुको संयोजकत्वमा मोर्चा गठन गरिएको हो । उक्त कार्यक्रमले समितिको सहसंयोजकहरुमा विरमान तामाङ, विक्रम...

कोशी नाम खारेजी आन्दोलन साझा नाममा सहमति खाेज्ने र राजनीतिक संवाद गर्दै अघि बढाउने

ललितपुर, ६ जेठ । प्रदेश नं. १ को कोशी नाम खारेजी आन्दोलन राजनैतिक संगठनहरुसँग संवाद गर्दै अगाडि बढाउने निर्णय भएको छ । आइतबार ललितपुरस्थित किरात याक्थुङ चुम्लुङको कार्यालयमा बसेको बैठकले पहिचानको आधारमा प्रदेशको नाममा सहमति...