दमक। दमकमा संचालन भईरहेको सातौं दमक फूडफेस्टिलको छैटौं दिन आज चर्चित र्यापर तथा गायक समिर घिसिङ (भिटेन)ले स्टेज तताउँदै छन् । युवाहरु माझ लोकप्रिय भिटेनको प्रस्तुती रहने प्रचारप्रसार संयोजक काजी राउतले जानकारी दिएका हुन् ।

नेपाली र्यापर जगतमा चर्चित भिटेनका शब्दहरु अलिकति भल्गर भन्दै सोसल मिडियामा छाइरहने गरेका छन् यद्यपी उनका लाखौं फ्यानहरु रहेको उनको सोसल साइटमा देखिन्छ ।

गत आइतबारदेखि एक हप्तासम्म संचालन हुने फूडफेस्टिवलमा करिब ४५ हजारले अवलोकन गर्ने आयोजकले जनाएको छ । आज छैटौं तथा दोस्रो अन्तिम दिन कार्यक्रममा युवाहरुको जमात धेरै हुने संयोजक भुपेन्द्र न्यौपाने बताउँछन् । यो फेस्टिवलमा करिब ५० लाखको हाराहारीमा आर्थिक कारोबार गर्ने लक्ष्य रहेको होटल व्यवसायी संघ दमकले जनाएको छ ।

हरेक साँझ राष्ट्रिय कलाकारहरुले मनोरञ्जन दिने फेस्टिवलमा स्थानीय डान्स सेन्टरहरुबाट नृत्य समेत प्रस्तुत गरिरहेको राउतले बताए । विभिन्न जातीय परम्पराका खानेकुराहरु समेत स्टलहरुमा राखिएको छ । करिब ४८ वटा विभिन्न स्टलहरु राखिएको सातौं दमक फूडफेस्टिवलले कोभिड–१९ ले थलिएको होटल व्यवसाय र पर्यटन व्यवसायलाई प्रवद्र्धन गर्न मद्दत पुग्ने विश्वास रहेको संयोजक न्यौपानेले बताएका छन् ।