शहीद मनिल तामाङको १३औं स्मृति दिवस विविध कार्यक्रम गरि मनाइयो

 लिम्बुवान न्युज
                       

दमक। समानुपातिक चुनाव प्रणालीको माग गर्ने क्रममा झापाको धुलाबारी क्याम्पसमा २०६५ चैत्र ६ गते शहिद हुनुभएका शहीद मनिल तामाङको १३औं स्मृति दिवस संघीय लोकतान्त्रिक राष्ट्रिय तथा संघीय लिम्बुवान मञ्च, नेपालले विविध कार्यक्रम गरि मनाएको छ ।

दायाँबाट क्रमशः मञ्चका महासचिव यलम्बर खम्बु, शहीद तामाङका बुबा–आमा

दमक

मञ्चले लिम्बुवानको नौ वटै जिल्लाहरुमा श्रद्धाञ्जली सभा कार्यक्रमको आयोजना गरेको मञ्चका प्रान्तीय महासचिव संगम खनालले जनाएका छन् । आज संघीय विद्यार्थी युनियनले झापा दमक बहुमुखी क्याम्पसको सभाहलमा संघीय अध्यक्ष सेसेहाङ् चोङबाङको प्रमुख आतिथ्यतामा श्रद्धाञ्जलि कार्यक्रम आयोजना गरेको छ । कार्यक्रममा विद्यार्थी नेता सजन याक्खा र मोहन माबोको समेत उपस्थिति रहेको थियो । कार्यक्रममा विद्यार्थी नेता मनिल तामाङले संघीयता र समानुपातिक शिक्षा प्रणाली लागू गर्नु पर्छ भन्ने संघीयवादी विद्यार्थी आन्दोलनको क्रममा राष्ट्रिय शहीद हुुन भएकोमा वहाँको सम्मानको चर्चा गरिएको थियो ।

ताप्लेजुङ

आज पान्थरको फेदेन, ताप्लेजुङको फुङलिङ, इलामको महेन्द्र बहुमुखी क्याम्पस लगायत स्थानहरुमा समित श्रद्धाञ्जलि कार्यक्रम भएको सूचना प्राप्त भएको छ ।

पान्थर

यसैगरी आज शहिद राजकुमार आङ्देम्बे माङ्तोक–मनिल तामाङ् स्मृति प्रतिष्ठानको अगुवाईमा पृथ्वीनगर ज्ञाने चोकमा रहेको तामाङ्को समाधिस्थलमा बौद्ध तामाङ् परम्परा अनुसार लामाबाट पुजा गरि शहीद तामाङ्को १३औं स्मृतिमा १ मिनेट मौनधारण गरि कार्यक्रम सम्पन्न गरेको छ । कार्यक्रममा मञ्चका उपाध्यक्ष ज्ञानुहाङ इम्बुङ्ले अब चाडै नै शहीदको शालिक निर्माणमा मञ्च अगाडि बढेको बताएका छन् । मञ्च निरन्तर आन्दोलनरत भएको हुँदा हामीले काम गर्न ढिलाई भएको भन्दै प्रतिष्ठानको समन्वयमा अब स्थानीय पृथ्वी नगर आसपास वा धुलाबारी क्याम्पस परिसर भित्र जहाँ भए पनि तामाङको शालिक बन्ने प्रतिवद्धता व्यक्त गरेका छन् ।

प्रतिष्ठानका सदस्य किरण लिङदेनको समन्वयमा उक्त कार्यक्रम सम्पन्न गरिएको हो । कार्यक्रममा मञ्चका महासचिव यलम्बर खम्बु, युवा नेताहरु लिचन थेवे, बसन्त लिम्बु लगायत नेताहरुको उपस्थिति रहेको थियो ।

सम्बन्धित समाचार

बाँकी जिन्दगी पहिचान प्राप्तिको लागि समर्पित गर्नेछुः सरक्षक रेशम चौधरी

काठमाडौं । नागरिक उन्मुक्ति पार्टीका संरक्षक रेशम चौधरीले मेरो गर्जाईबाट माइक्रोफोन बन्द हुन्छ भने तपाईं हामी सबै पहिचानबादीहरुको हुंकारबाट सिंहदरबार र नस्लबादीहरुलाई हल्लाउन बेर नलाग्ने बताएका छन् । परासीमा भएको स्वागत कार्यक्रममा बोल्दै पार्टीका संरक्षक...

अब कोही नेपाली नागरिक भूमिहीन भएर बस्नु पर्दैन – मन्त्री श्रेष्ठ

दमक, २४ जेष्ठ । भूमि व्यवस्था, सहकारी तथा गरिबी निवारण मन्त्री रन्जिता श्रेष्ठले अब कोही पनि नेपाली नागरिक भूमि अधिकारबाट वञ्चित हुनु नपर्ने बताएकी छिन् । आज (बुधबार) इलाम र झापाका ५४ परिवार भूमिहीन सुकुम्वासीहरुलाई...

लिम्बु संस्कृतिमा बनेको चलचित्र ‘लुङा’को फर्स्ट लुक सार्वजनिक

दमक। लिम्बू संस्कृतिमा बनेको चलचित्र ‘लुङा’को फर्स्ट लुक पोस्टर सार्वजनिक गरिएको छ । उक्त चलचित्र साउन ५ गतेबाट देशभर प्रदर्शनमा आउने भएको छ । सार्वजनिक फर्स्टलुकमा चलचित्रका मुख्य पात्रलाई स्थान दिइएको छ । बुद्धि तामाङ,...

पहिचान माग्दा थारुलाई जातीय आरोप लगाई जेल हालियोः रेशम चौधरी

काठमाडौं, २१ जेष्ठ । नागरिक उन्मुक्ति पार्टीका संरक्षक रेशम चौधरीले थारुहरुले आफ्नो परिचान माग्दा जातियवादको आरोप लाग्ने गरेको बताएका छन् । आइतवार तुलसीपुरमा नागरिक अभिनन्दन कार्यक्रमलाई सम्वोधन गर्दै उनले आफुहरु जातीयवादी नभएको प्रष्ट पार्दै केही...