संघीय मञ्च तामाङसालिङकाे जुगल हिमालकाे काखमा पुग्याे

 लिम्बुवान न्युज
संघीय मञ्च तामाङसालिङकाे जुगल हिमालकाे काखमा पुग्याे

सिन्धुपाल्चोक। संघीय लोकतान्त्रिक राष्ट्रिय मञ्च तामाङसालिङको जुगल ३ गुम्बास्थान पुगेको छ । ३ सय बर्ष अघि देखि बस्दै आएका लालुम्बा जातिहरुको बसोबास रहेको गुम्बास्थानमा मञ्चले राजनीतिक अन्तरक्रिया तथा भेटघाट कार्यक्रम आयोजना गरेको हो ।

जुगल हिमालको काखमा रहेको गुम्बास्थानमा शनिबार मञ्चको मेचीकाली अभियान अन्तर्गत तामाङसालिङ मञ्चको आयोजनामा वृहत राजनीतिक अन्तरक्रिया कार्यक्रम गरेको हो । मञ्चका अध्यक्ष कुमार लिङ्देन मिराकको प्रमुख आतिथ्यतामा कार्यक्रम सम्पन्न भएको थियो । अध्यक्ष लिङदेनले १५ बर्ष देखि संघीयता, पहिचान र सह–अस्तित्व प्राप्तिको आन्दोलनमा लढिरहेको मञ्च पूर्व लिम्बुवानबाट उदाएर पश्चिम खसानसम्म पुग्ने यात्रामा रहेको बताए । त्यसैगरी तामाङसालिङले अभियानको रुपमा निरन्तर कार्यक्रमहरु गरिरहेकोमा खुशी व्यक्त गर्दै अबको राष्ट्रिय राजनीतिमा संघीय मञ्चले नेपालको राजनीतिमा नयाँ तरङ्गल्याने छ । अध्यक्ष लिङ्देनले भने ।

सो कार्यक्रममा बोल्दै तामाङ् र शेर्पा भन्दा फरक जाती लालुम्बा जातीहरुको बसोबास रहेको उक्त क्षेत्रलाई लालुम्बा स्वायत्त क्षेत्र समेत घोषणा गर्न संघीय तामाङसालिङ मञ्चका अध्यक्ष मिङमार लामाले आग्रह गरेका छन् ।

सांगीतिक कार्यक्रम सहित भएको सो राजनीति भेटघाटले मञ्चलाई गाउँगाउँ पुग्न मद्दत पुगेको संघीय अर्थ सचिव विष्णु यक्सो बताउँछन् । कार्यक्रममा लिम्बुवान प्रान्तीय महासचिव थाङसाङ लावती, संघीय सदस्यहरु चन्द्र कन्दङवा, सुर्य लिम्बु लगायत नेताहरुको उपस्थिति रहेको थियो ।

संघीय मञ्चलाई राष्ट्रिय पार्टीको रुपमा स्थापना गर्न मञ्चको १०+१ प्रान्त अन्तर्गत तामाङसालिङ मञ्चले आफ्नो सबै जिल्लाहरुमा यसरी नै निरन्तर संगठन विस्तार गर्दै जाने तामाङसालिङ मञ्चका अध्यक्ष लामाले बताए ।

त्यसैगरी आइतबार भोटेकोशी गाउँपालिकाको वडा १ मा पनि संघीय तामाङसालिङ मञ्चले अन्तरक्रिया कार्यक्रम गरेको छ । मञ्चले आफ्नो राजनीतिक एजेण्डा पुस्तिका जनताको घर घर पु¥याउने कार्यक्रम अनुसार सो कार्यक्रम आयोजना गरेको हो ।

सम्बन्धित समाचार

याक्थुङ साहित्य प्रतिष्ठानद्वारा पाँच बुँदे येहाङनगर घोषणा–पत्र जारी

दमक । याक्थुङ साहित्य प्रतिष्ठानले दमक–१ स्थित येहाङनगरबाट ‘पाँच बुँदे येहाङनगर घोषणा–पत्र २०७८’ विज्ञप्ति मार्फत जारि गरेको छ । गत शनिबार सम्पन्न प्रतिष्ठानको प्रथम अधिबेसनबाट नव निर्वाचित कार्य समितिका अध्यक्ष सेसेमी से नाल्बो र महासचिव...

लुम्बिनीमा मन्त्री बनेका जसपा नेताहरुलाई राजीनामा दिन अल्टिमेटम

लिम्बुवानखबर । जनता समाजवादी पार्टी (जसपा)ले लुम्बिनी प्रदेशमा मन्त्री पदको सपथ लिने ४ नेतालाई निलम्बन गरी २४ घण्टे स्पष्टीकरण सोधेको छ । जसपा लुम्बिनी प्रदेश समितिका अध्यक्ष अशोककुमार यादवले सोमबार विज्ञप्ति जारी गरी मन्त्री पदको...

अमेरिकामा मणि बाङदेलको नेतृत्वमा आदिवासी जनजाति साहित्यकार महासंघ गठन

न्यूयोर्क क्वीन्स। अमेरिकामा बस्दै आएका आदिवासी जनजाति साहित्यकारहरु एकजुट भएका छन् । आइतबार मणि बाङदेल राईको अध्यक्षतामा आदिवासी जनजाति साहित्यकार महासंघ गठन भएको छ ।“साहित्यमा आदिवासी जनजाति सौन्दर्य लेखौ ।” भन्ने नाराका साथ भेला भएको...

लिम्बुवानद्वारा सरकारलाई औपनिवेशिक नीति रोक्न चेतावनी

दमक। सरकारले आदिवासी जनजाति माथिको औपनिवेशिक नीति रोक्न संघीय लोकतान्त्रिक राष्ट्रिय मञ्च सम्बद्ध संघीय लिम्बुवान मञ्चले चेतावनी दिएको छ । आदिम सृष्टिकालदेखिनै ताप्लेजुङ् जिल्लामा अवस्थित मुक्कुमलुङ हिमालको नाम परिवर्तन गरी पर्वते भाषाकरण गरेकोमा त्यसको विरोध...