दमक, चैत १२/मुसाहाङ् अम्याङ्साको लिम्बू भाषाबाट प्रकाशित प्रथम कृति हाइकु सङ्ग्रह ‘मुक्तु’ विमोचन भएको छ । आज झापाको दमकस्थित एस.जी. होटलको सभाहलमा याक्थुङ् साहित्यकार पुष्पहाङ् लोरिङ्देन लोवाको प्रमुख आतिथ्यतामा सङ्ग्रहको विमोचन भएको हो ।

कृति विमोचन कार्यक्रममा बोल्दै साहित्यकार लोवाले मुक्तु हाइकु सङ्ग्रह भित्र रहेका सिद्धान्तनत् हाइकु जापानी परम्परागत काव्य साहित्यबाट फैलिएको तीन हरफको छोटो, मिठो, कसिलो र रसिलो कविता संरचनाबद्वताको १७ अक्षरीय रुपमा पाँच सात पाँच वर्णका शब्दहरुको मात्रा मिलाएर पूर्ण अभिव्यक्ति दिने स्वतन्त्र विधाको रुप हो ।

नेपाली नयाँ पुस्ताका कविहरुले वि.संं २०१९ सालमा जापानी साहित्यको स्वाद लिई लेख्न सुरु गरेको इतिहास छ तर लिम्बू भाषाबाट भने केही पत्रपत्रिकामा मात्रै प्रकाशित हुँदै आएको थियो । वि.सं. २०६२÷०६३ सालदेखि नेपाली तथा लिम्बू साहित्यमा कलम चलाउन थालेका अम्याङ्साको कृति याक्थुङ् साहित्य प्रतिष्ठान झापाले प्रकाशन गरेको हो । कृति भित्र किरात सिरिजङ्गा लिपीबाट दुई सय ५५ वटा हाइकुहरु समावेश छन् । यो नै याक्थुङ् (लिम्बू) भाषामा प्रकाशन भएको पहिलो कृति भएको बताए ।

लेखक/सञ्चारकर्मी अम्याङ्साले संक्षिप्त किरात इतिहास तथा आथरेहाङ् मुसाहाङ् लिम्बू बंशावली दस्तावेज २०७४ लगायत विगतमा लिम्बू/नेपाली साहित्यमा हाइकु तांका रुबाइ, गजल फुटकर सिर्जनाहरु विभिन्न पत्रपत्रिकामा प्रकाशित रहेका थिए । लेखकद्धारा केही हाइकुहरु समेत वाचन गरेका थिए । स्रष्टा लिम्बू/नेपाली भाषाबाट प्रकाशित नाम्गेत लिम्बुवान र पोक्लाबाङ् पत्रिकाको प्रकाशक/प्रधान सम्पादक हुन् ।

विमोचन कार्यक्रम याक्थुङ् साहित्य प्रतिष्ठान झापा अध्यक्ष सेसेमी सेनाल्बोको अध्यक्षतामा सम्पन्न भएको थियो भने संचालन प्रतिष्ठान महासचिव सेसेहाङ् फियाकले गरेका थिए ।