शिवसताक्षी, २० फाल्गुन । संघीय लिम्बुवान प्रान्तीय मञ्च, नेपाल मातहतको लिम्बुवान भोलेन्टियर्स शिवसताक्षी १० र १ मा प्राइमरी कमाण्ड गठन भएको छ । विहीबार शिवसताक्षीस्थित भुपु सैनिक भवनमा आयोजित एक कार्यक्रमले प्राइमरी कमाण्डर विजय योङहाङको कमाण्डमा गठन भएको हो ।
यसैगरी उक्त कमाण्डमा प्राइमरी कमाण्डर पंकज काफ्ले, सेल कमाण्डमा सदस्यहरु नेत्र प्रसाद बास्कोटा, मन बहादुर योगी, विवेक पदालुङ, सागर राई, मेनिक हांगाम, सन्तोष लिवाङ, सुनिल सिगु, करण बि.क., प्रकाश योङहाङ, एनोज बि.क. र विशाल बि.क. रहेका छन् ।
त्यसैगरी शिवसताक्षी १ को प्राइमरी कमाण्डरमा विसाल माङलाक र सेल सदस्यहरुमा पवन लिम्बु, सञ्जय लिम्बु र रोविन सेर्मा नियुक्त भएका छन् ।
कार्यक्रममा प्रान्तीय उपाध्यक्ष ज्ञानुहाङ इम्बुङको प्रमुख आतिथ्यता रहेको थियो भने विशिष्ट अतिथिमा उपाध्यक्ष तथा एल.भी. केन्द्रीय कमाण्डर थाङसाङ लावती, प्रान्तीय सचिव तथा प्रवक्ता काजीमान ओख्राबो लिम्बु, प्रान्तीय सचिव भिम सुनुवार, प्रान्तीय सचिवालय सदस्य किरण लिङ्देन, समुन सम्बाहाम्फे, एल.भी. उपकमाण्डर मण्डेम लिम्बु, झापा जिल्ला अध्यक्ष नगेन राई त्यसैगरी शिवसताक्षी नगर अध्यक्ष विचारी लावती लगायत नेताहरुको उपस्थिति रहेको थियो ।
Related