फालेलुङ, २६ फाल्गुन । पाँचथर जिल्ला फालेलुङ गाउपालिकामा तीन दिने आनीपान भाषा शिक्षण सिकाइ सम्पान्न भएको छ ।

फागुन २४ गते बाट सुरुभएको यश तालिममा २० जना भन्दा बढी शिक्षकहरुको सहभागी रहेका थिए । फालेलुङ गाउपालिकाको थोक्लिम्बामा स्थानीय सरकार फालेलुङ गाउपालिकाको आर्थिक वर्ष २०७८/०७९ बाट विनियोजित”आनीपान भाषा शिक्षण” शीर्षकमा रहेको योजनाले किरात याक्थुङ चुङ्लुङ शाखा फालेलुङ गाउपालिकाको आयोजनामा फालेलुङ गाउपालिका भरि लिम्बू भाषा पढाइ हुने विद्यालयहरूको सम्बन्धि शिक्षक हरूलाई ३ दिने”लिम्बू भाषा आनीपान”तालिम भएको थियो।

प्रमुख प्रशिक्षक दिलेन्द्र कुरूम्बाङ ज्युको प्रशिक्षणमा पालिका अध्यक्ष सञ्च कुमार केरूङको प्रमुख अतिथि,विशेष अतिथिमा फालेलुङ गा.पा शिक्षा शाखा प्रमुख करूणा नेपाल, कि.या.चु जि.स मोतीहाङ् केरूङ, जि.प.स कुमार यवा मौसम, शुर्यकला कन्दङ्वा लगायतको उपस्थितिमा समापन कार्यक्रम सम्पन्न गरियो ।

यस कार्यक्रमको सभाध्यक्षता कियाचु पालिका अध्यक्ष कुमार केरूङले गर्नु भएको थियो भने पालिका सदस्य सुजन मादेन”मिसेक”ले स्वागत मन्तब्य राख्नु भएको थियो भने उक्त कार्यक्रम कियाचु पालिका सचिव गगन जबेगू “खाम्बेक”ले सञ्चालन गर्नु भएको थियो । उक्त ३ दिने भाषा शिक्षण कार्यक्रममा फालेलुङ गा.पाको विभिन्न विद्यालयहरूबाट लिम्बु भाषा सम्बन्धित शिक्षकहरू २० भन्दा बढि सहभागी रहेका थिए ।