सहकारीले स्थापना दिवसमा रक्तदान कार्यक्रम गर्ने

 लिम्बुवान न्युज
                       

दमक, ८ चैत–विश्वासिलो बचत तथा ऋण सहकारी संस्थाले ११औं स्थापना दिवस मनाउने भएको छ । दमक–६ वरपिपल चौकमा अवस्थित विश्वासिाले बचत तथा ऋण सहकारी संस्थाले यहि शनिबार वरपिपल चौकमा स्थापना दिवस मनाउने भएको हो ।

संस्थाका अध्यक्ष समेत रहनुभएका दमक उद्योग बाणिज्य संघका कार्यसमिति सदस्य अशिम राईका अनुसार स्थापना दिवसको अवसर पारेर कार्यालय परिसरमा बृहत खुल्ला रक्तदान कार्यक्रमसहित शुभकामना आदान–प्रदान कार्यक्रम गरिने छ ।

यसअघिका स्थापना दिवसलाई कोरोना भाइरसको संक्रमणको कारणले चाहेर पनि गर्न नसकिएको र यसवर्षको स्थापना दिवसमा स्वास्थ्य, शिक्षा र मानवीय सेवाप्रति योगदान गर्ने उदेश्यले रक्तादान कार्यक्रम आयोजना गरिएको अध्यक्ष राईले बताउनुभयो ।

शनिबार विहान ७ बजे सुरु हुने वृहत खुल्ला रक्तादानमा दमकस्थित नेपाल रेडक्रस सोसाइटीको प्राविधिक सहयोग हुने संस्थाका सचिव सुमन थुलुङ राईले जानकारी दिनुभयो । सचिव राईका अनुसार रक्तदान कार्यक्रममा संस्थाका सञ्चालक समिति, शेयर सदस्य, कर्मचारी र शुभेच्छुकहरुको सहभागिता रहने छन् ।

सोही अवसर पारेर संस्थाले रक्तदान कार्यक्रमबीच संक्षिप्तमा शुभकामना आदान–प्रदान समेत गरिने भएको छ । संस्था स्थापना भएको ११औं बर्षमा गरेका कार्यको समिक्षा गर्दै आगामी समयमा संस्थाले गर्ने वित्तिय सेवा, शिक्षा, प्रभावकारीता र आगामी योजनासम्बन्धी समिक्षा गरिने भएको अध्यक्ष राईले जानकारी दिनुभयो ।

सम्बन्धित समाचार

भूमिहीन परिवारलाई जग्गा धनीपुर्जा प्रमाणपत्र वितरण

दमक, १९ माघ / दमक नगरपालिकाले राष्ट्रिय भूमि आयोग झापाको समन्वयमा दमक १० का २७ भूमिहीन परिवारलाई जग्गा धनी प्रमाणपत्र वितरण गरेको छ । वडा कार्यालयमा आज संक्षिप्त कार्यक्रमका गरि नगरपालिकाले सामूहिक रुपमा जग्गाधनी पुर्जा...

प्रथम अध्यक्ष पाठकलाई अभिनन्दन गर्ने

दमक, १९ माघ । प्रेस चौतारी नेपाल झापाले प्रथम अध्यक्षलाई अभिनन्दन र जिल्लाका ५ जना अग्रज पत्रकारलाई सम्मान गर्ने भएको छ । प्रेस चौतारी नेपालको २५ औं स्थापना दिवसको अवसर पारेर चौतारीले झापा शाखाका प्रथम...

कक्षा ११ र १२ को लिम्बू भाषा र साहित्य पाठ्यक्रम परिमार्जन र संशोधन सहित विमोचन

पान्थर, १६ माघ । कक्षा ११ र १२ लिम्बू भाषा र साहित्य पाठ्यक्रम २०५९ दोस्रो परिमार्जन र संशोधन सहित अनुमोदन पाठ्यक्रम २०७९ को विमोचन गरिएको छ । शनिवार पान्थर फाल्गुनन्द गाउँपालिका याम्बोङस्थित सत्यहाङमा माध्यमिक विद्यालयको...

पवित्रहाङमा कप फूटबलको फाइनल फाल्गुन ३ गतेः खेलतालिका सार्वजनिक

दमक, १६ माघ । माघ २३ गतेदेखि शुरु हुन गईरहेको पवित्रहाङमा कप खुल्ला नकआउट फुटबल प्रतियोगिताको खेलतालिका सार्वजनिक गरिएको छ । किराँत धर्मगुरु आमा साँबा पवित्रहाङमाको ६७औं जन्मोत्सवको अवसर पारेर प्रत्येक वर्ष आयोजना हुने फुटबल...