फेदेन, पान्थर । किरात याक्थुङ चुम्लुङ फेदेन नगर कार्यसमितिको दोस्रो अधिबेशन सम्पन्न भएको छ । फेदेनस्थित चुम्लुङ्हिममा सम्पन्न अधिबेशनले पुनः देउकुमार नेम्बाङ् अध्यक्षमा निर्वाचित भएका छन् ।

बुधबार सम्पन्न अधिवेशनले नेम्बाङकाे अध्यक्षतामा १५ सदस्यीय कार्यसमिति निर्वाचित गरेको छ । उपाध्यक्ष बीरबहादुर केरुङ, सचिव सुरेन्द्र केरुङ, सहसचिव सुसिला जबेगु कोषाध्यक्ष कमला तुम्बापो नेम्बाङ् निर्वाचित भएका छन् ।

यसरी नै समितिको सदस्यहरूमा गणेश बहादुर लिम्बू, कल्पना तुम्बापो, धनकुमारी तुम्रोक, गंगामायाँ तुम्रोक, पृथ्वीविक्रम इङ्वा, जयप्रसाद मेयोङ्बा, कमल तुम्रोक, महेन्द्रकुमार तुम्बापो, भीमकुमारी तुम्बापो, जयबहादुर नेम्बाङ रहेका छन् ।

‘कोशी प्रदेश खारेज गर’ भन्ने मुल नारा सहित फेदेन बजार परिक्रमा गरि गरिएको उद्घाटन समारोहमा प्रमुख अतिथि चुम्लुङ प्रदेश अध्यक्ष मधु केरुङ, राजनैतिक दलका प्रतिनिधिहरु, नेपाल प्रज्ञा प्रतिष्ठानका प्राज्ञ सदस्य दिलेन्द्र सुब्बा, राष्ट्रिय चुम्लुङ सदस्य सागर केरुङ लगायतले शुभकामना मन्तब्य राखेका थिए ।