इलाम। इलामको फाकफोकथुम ४ लिम्बुगाउँमा आजबाट अध्यक्ष कप फूटबल प्रतियोगिता शुरु हुने भएको छ । आजबाट बैशाख १ गतेसम्म खेल हुने उक्त प्रतियोगितामा १६ टिम सहभागी भएको आयोजिक फुङ्वा यूवा क्लवका अध्यक्ष फुर्सद लिम्बुले बताएका छन् ।

१ लाख पुरस्कार राशीको उक्त फूटबल प्रतियोगितामा दोस्रो पुरस्कार राशी ५० हजार रहेको छ । उक्त प्रतियोगितामा आयोजक टिम सहित चौवन्दी युवा क्लव एकतप्पा, ब्लक स्टार फाकतेप, बरभञ्ज्याङ युथ क्लव, देउमान नगरपालिका, महाभारा एफ सी कुरुम्बा, सिरिजङ्गा युथ क्लव आमचोक, रानावारी युवा क्लव आमचोक, एन टि सी फुएतप्पा, मिरमिरे फूटबल क्वल जीतपुर, लुम्दे एफ.सी., राइजिङ स्पोर्टिङ क्लब रविबजार, के.एफ.सी. लुङसुङदाङ, आङ्ना पाँचथर, माङसेबुङ–१, गजरमुखी र योङ व्इज क्लव साखेजङ नेपालटार रहेका छन् ।

उक्त अध्यक्ष कपमा प्रथम र दोस्रो हुने खेलाडीहरुले ट्रफी, मेडल र प्रमाणपत्र पाउने छन् भने उत्कृष्ट खेलाडी, सर्वाधिक गोलकर्ता, गोलकिपर, डिफेन्स र मिडफिल्डरले ट्रफी पाउने उक्त खेलका आयोजक एवं सामाजिक अभियन्ता दिपक योङहाङ्ले बताए ।

आज (आइतबार) फाकफोकथुम गाउँपालिकाका अध्यक्ष राम कुमार श्रेष्ठको प्रमुख आतिथ्यतामा उद्घाटन गरिने जनाइएको छ । आज उद्घाटन खेलमा आयोजक फुङ्वा युवा क्लव विरुद्ध चौबन्दी युवा क्लव बिच हुनेछ भने दोस्रो खेल ब्लक स्टार विरुद्ध ब्राइट स्टार बिच हुने बताइएको छ ।

२०७८ वैशाख १ गते नयाँ बर्षको दिन फाइनल खेलसँगै खेल सम्पन्न गर्ने आयोजकले जनाएको छ ।