इलाम। फाकफोकथुममा जारी अध्यक्ष कपको पहिलो चरणका सबै खेल सकिएको छ । मंगलबार गजरमुखी पर्यटन विकास बोर्डले माङसेबुङ १ लाई २–० गोल अन्तरले पराजित गर्दै अध्यक्ष कप फूटलब खेलको पहिलो चरण सकिएको आयोजकले जनाएको छ ।

गत चैत्र २० गते देखि संचालित फूटबल खेलमा जम्मा १६ टिम सहभागी छन् । सोमबार भएका दुई खेलमा नै भएको पहिलो खेलमा योङ वाइज एफसी साखेजुङ नेपालटारले केएफसी लुङसुङदाङलाई ४–० गोल अन्तरले हराउँदै दोस्रो चरणमा प्रवेश गरेको छ । त्यसैगरी दोस्रो खेलमा मिरमिरे फूलबल क्लबले श्रीजंगा फूटबल क्लब आमचोक रातमाटेलाई ३–० गोल अन्तरले हराउँदै दोस्रो चरणमा प्रवेश गरेको खेल आयोजक दिपक योङहाङ्ले बताए । यो सँगै ८ टिम घर फर्किएका छन् ।

बुधबारबाट दोस्रो चरणका खेलहरु शुरु हुने संयोजक फुर्सद लिम्बुले बताए । फाइनल खेल आगामी बैशाख १ गते नयाँ बर्षको दिन सम्पन्न हुने आयोजकले जनाएको छ । अध्यक्ष कप विजेताले नगद १ लाख पुरस्कार पाउनेछन् भने उपविजेताले ५० हजारमा चित्त बुझाउनु पर्नेछ ।