माङसेबुङ वडास्तरीय फूटबलको पुरुष उपाधी वडा नं. ३ र महिला उपाधी वडा नं. ६ ले चुम्यो

 लिम्बुवान न्युज
                       

माङसेबुङ । इलाम माङसेबुङ ६ को पारुहाङ खेलमैदानमा जारि वडास्तरिय फूटबल प्रतियोगिताको पुरक्ष तर्फको उपाधी वडा नं. ३ र महिला तर्फको उपाधी वडा नं. ६ ले चुमेको छ ।

आज (बुधबार) उपाधिका लागि भएको पुरुष तर्फको खेलमा माङसेबुङ ६ लाई २–१ ले पराजित गर्दै माङसेबुङ ३ ले उपाधि चुमेको हो ।

त्यसरी नै निक्कै नै प्रतिस्पर्धात्मक भएको महिला तर्फको खेलमा माङ्सेबुङ २ लाई १–० ले पराजित गर्दै माङसेबुङ ६ ले उपाधि आफ्नो पोल्टामा पर्न सफल भएको छ ।

उपाधि चुमे संगै महिला तर्फ विजेता माङसेबुङ ६ ले नगद पुरुस्कार ३० हजार सहित ट्रफी मेडल तथा प्रमाण–पत्र हात पारेका छन् । उपविजेता माङसेबुङ २ ले भने नगद पुरुस्कार २० हजार सहित ट्रफी मेडल तथा प्रमाण–पत्रमा चित्त बुझाएका छन् ।

यसरीनै पुरुष तर्फ विजेता माङसेबुङ ३ ले नगद पुरुस्कार ३० हजार सहित ट्रफी मेडल तथा प्रमाण–पत्र हात पारेका छन् भने उपविजेतामा चित्त बुझाएको माङसेबुङ ६ ले नगद पुरस्कार २० हजार सहित ट्रफी मेडल तथा प्रमाण पत्रका छन् ।

महिला तर्फ प्रतियोगिताको बेस्ट किपर सबिना राई, बेस्ट प्लेयर बिनिता राई, बेस्ट डिफेण्डर लक्ष्मी राई, हाई स्कोर सुमिका राई र उदयीमान खेलाडी सुनिता राई घोषित भएका छन् ।

यस्तै पुरुष तर्फको बेस्ट किपर बिसाल लिम्बु, बेस्ट खेलाडी जीदान राई, बेस्ट डिफेण्डर रोनिस राई, हाई स्कोर योगेन्द्र राई र उदयीमान खेलाडी निर्मल राई घोषित भएका छन ।

माङसेबुङमा जारी पुरुष तथा महिला फुटबल प्रतियोगिताको समापन समारोह प्रदेश नं. १ का भूमि व्यवस्था, कृषि तथा सहकारी मन्त्री राम बहादुर रानाको प्रमुख आतिथ्यमा सम्पन्न भएको आयोजक समितिका सचिव धडकन सङबाङफेले बताए् ।

माङसेबुङ् खेलकुद विकास समिति र माङसेबुङ गाउँपालिकाको आर्थिक सहयोगमा प्रतियोगिता प्रत्येक वर्ष सञ्चालन हुदै आएको छ ।

माङसेबुङ गाउँपालिका खेलकुद विकास समितिको आयोजनामा माङसेबुङ गाउँपालिकाको आर्थिक वर्ष २०७७।०७८ को खेलकुद विकास क्षेत्रमा विनियोजित बजेटबाट प्रतियोगिता संचालन गरिएको आयोजक समितिका अध्यक्ष राजेन्द्र खजुमले बताए ।

सम्बन्धित समाचार

धनगढी एफसी एनएसएलको फाइनलमा प्रवेश

काठमाडौं । धनगढी एफसी पहिलो संस्करणको फ्रेन्चाईज फुटबल प्रतियोगिता नेपाल सुपर लिग (एनएसएल) को फाइनलमा प्रवेश गरेको छ । आज भएको पहिलो प्लेअफमा काठमाडौं रेजर्सलाई अतिरिक्त समयमा २–१ गोल अन्तरले पराजित गर्दै धनगढी फाइनल पुगेको...

आज नेप्से २७ अंकले बढ्यो, कारोबार ६ अर्ब नजिक

काठमाडौं । आज (मंगलबार) अधिकांश कम्पनीहरुको सेयर मूल्य बढ्दा सेयर बजार हरियाली देखिएको छ । नेप्से परिसूचक २७ दशमलव ४७ अंकले बढेर २ हजार ६ सय ७३ दशमलव ३१ अंकमा पुगेको छ । ‘क’ वर्गका...

चीनले दिएको ४ सय वटा अक्सिजन सिलिन्डर काठमाडौं आइपुग्यो

काठमाडौं । चीनको बेइजिङबाट ४ सय अक्सिजन सिलिन्डर बोकेर नेपाल एयरलाइन्सको जहाज काठमाडौंस्थित त्रिभवन विमानस्थलमा अवतरण गरेको छ । नेपाल एयरलाइन्सका महाप्रवन्धक डीम प्रकाश पौडेलका अनुसार यो जहाजले ४ सय सिलिन्डर, १६० वटा अक्सिजन कसन्र्नटेटर,...

१ नं. प्रदेशमा दोस्रो लहरको कोरोनाबाट मृत्यु हुनेको संख्या १०६ पुग्यो

विराटनगर। १ नं. प्रदेशमा कोरोना भाइरसको दोश्रो लहर सुरु भएयता १०६ जना संक्रमितले ज्यान गुमाएका छन् । गएको वैशाख १ यताबाट विभिन्न कोभिड अस्पताल एवम् होम आइसोलेसनमा उनीहरुको मृत्यु भएको हो । प्रदेशको सामाजिक विकास...