काठमाडाैं, १३ वैशाख। उदयपुर जिल्लामा १ हजार १ सय ११ जनाको प्रदेश नं. १ पुनः नामाङकन संयुक्त संघर्ष समिति गठन भएको छ ।
जिल्ला संयुक्त संघर्ष समिति घोषणा कार्यक्रम अन्तर्गत मंगलबार सदरमुकाम गाईघाट स्थित टावनहल होटलमा आयोजित भेलाले संचारकर्मी तथा महिला अधिकारकर्मी गंगा राईको संयोजकत्वमा उक्त समिति गठन भएको हो ।
कार्यक्रमलाई सम्वोधन गर्दै प्रमुख अतिथि किरात राई यायोक्खाका केन्द्रीय अध्यक्ष जीवन हाताचो राईले कसैले नचाहेको पहिचान ‘कोशी’ बनाइनुले दलहरुको नश्लीय चरित्र उदांगो भएको बताए ।
ठूला दल भनाउँदाहरु अहिले पनि संवैधानिक राजतन्त्र र पञ्चायती मनोवृत्तिले ग्रस्त भएकोले पहिचान गुमाउन पुगेको उनको धारणा थियो ।
उनले भने, ‘पहिचानको आन्दोलन उठेको छ, यसलाई कुनै कसैको तागतले रोक्न सक्दैन र पहिचान प्राप्तिको लागि दत्तचित्त भएर लाग्न पहिचान पक्षधरहरुलाई आग्रह गर्दछु ।’
किराया महासचिव भिम राईले पहिचानको आन्दोलन तुहाउँन अनेकौ बहानावाजी भइरहेकोप्रति सचेत रहन आग्रह गरेका छन् । उनले आन्दोलनलाई निष्कर्षमा पु¥याउन पहिचान पक्षधरहरु सबै एक हुनु पर्ने बताए ।
संयुक्त संघर्ष समितिका घटक जनमुक्ति पार्टीका महासचिव बलदिप राई, जनता समाजवादी पार्टी निकट किरात राष्ट्रिय समितिका सचिव गोपाल राई, नेकपा माओवादी केन्द्र त्रियुगा नगर उपाध्यक्ष शोभराज तामाङ, नेपाल आदिवासी जनजाति महासंघका जिल्ला अध्यक्ष डिवी गुरुङले पहिचानको आन्दोलनलाई एकतावद्ध भएर सफल पार्नु पर्ने बताए ।
कार्यक्रममा किरात याक्थुङ चुम्लुङका अध्यक्ष प्रेम यक्तेन, किराया केन्द्रीय उपाध्यक्ष देवन राई, युवराज राई, महासचिव भिम राई, किरात प्रज्ञापरिषदका केन्द्रीय सदस्य भद्रगोल किराती, किरायाका वरिष्ठ संरक्षक सदस्य गणेश पुमा, सिद्धान्त राई लगायतका उपस्थिती रहेको थियो ।
शान्तिपूर्ण आन्दोलनलाई सरकारले तत्काल सम्वोधन गरी आन्दोलनलाई रचनात्मक निष्कर्षमा पु¥याउनु पर्नेमा सरकार माैन रहेकाे हुँदा सांसदहरुलाई गाउँवस्तीमा रोक लगाउनुका साथै राजनीतिक कार्यक्रमहरु बिथोल्ने समेत सहभागी संगठन प्रमुखहरूले वताए ।
आदिवासी जनजातिहरुको पहिचानलाई कम्जोर बनाउने सरकारको दुष प्रयास मान्य नहुने र त्यसको विपक्षमा आफूहरु जस्तोसुकै मूल्य चुकाउन पनि बाध्य हुने उनीहरूले बताए ।
पहिचानवादीको जति रगत पसिना बग्छ त्यो बगोस् तर, पहिचान मेटेर हामी पछि हट्ने छैनौ, पहिचानको लागि लाखौ युवाहरु लाजेहाङ बन्न तयार रहेको उनीहरूकाे जिकिर रहेकाे छ ।
ललितपुर, २ असोज । संयुक्त पहिचानवादी मोर्चाका संयोजक प्राध्यापक डाक्टर महेन्द्र लावतीले २०७२ को संविधान विभेदकारी भएको बताएका छन् । संविधानमा संघीय लोकतान्त्रिक गणतन्त्र नेपाल लेखिएपनि कागजी अक्षरमा मात्र सिमित रहेको स्पष्ट रहेको छ ।...
काठमाडाैं,२ असाेज । जेनजीको पचास प्रतिशत सहभागिता माग गर्दै गृहमन्त्री ओमप्रकाश अर्याललाई जेनजी आन्दोलनको एउटा समूहले सरकारमा साँत बुँदे ज्ञापनपत्र बुझाएको छ। बिहीबार गृहमन्त्नी अर्याललाई भेटेर जस्मिन ओझा नेतृत्वको ‘जेनजी नेपाल’ समूहले सरकारमा जेन–जीको ५०...
काठमाडाैं, १ असाेज । भ्रष्ट्रचार, परिवारवाद, नाताबादको विरोधमा सुरु भएको जेएनजीको आन्दोलनको परिणाम संस्थागत गरिरहँदा सोही आन्दोलनमा सहभागी आदिवासी जेएनजीहरु भने अन्यौलमा परेको देखिएको छ । खास गरेर मूलधारको जेएनजीको आन्दोलनमा आदिवासीको सवाल समेट्न नसकेकोमा...
ललितपुर, २९ भदौं । प्रधानमन्त्री सुशीला कार्की नेतृत्वको सरकारमा सहभागी हुने तीन जना मन्त्रीको नाम टुंगो लागेको बताइएको छ । प्रधानमन्त्री निवास बालुवाटार स्रोतका अनुसार अर्थमा रामेश्वर खनाल, गृहमन्त्रालयमा ओमप्रकाश अर्याल र ऊर्जामा कुलमान घिसिङको...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७