काठमाडौं, वैशाख १६। उपप्रधानमन्त्री ईश्वर पोखरेलले कोभिड–१९ विरुद्धको लडाइँमा राष्ट्रिय आविष्कार केन्द्रले खेलेको भूमिकाको प्रशंसा गरेका छन् । आज सिंहदरबारमा केन्द्रका अध्यक्ष महावीर पुनसँगको भेटमा उनले केन्द्रको कार्य अनुकरणीय रहेकाले यसको सुदृढका लागि लाग्न आग्रह गरे ।
सरकारका तर्फबाट आविष्कार केन्द्रलाई यथा सक्दो सहयोग गरिने आश्वासन समेत मन्त्री पोखरेलले दिएका छन् । कोभिड–१९ विरुद्धको लडाइँ सफल बनाउन सबै नागरिकको सकारात्मक भूमिकाको आवश्यक रहेकामा उनले जोड दिए ।
सो अवसरमा केन्द्रका अध्यक्ष पुनले कोभिड–१९ को संकट आउनासाथ आफूहरुले संकटमा सहयोग पु¥याउन ११ प्रकारका विभिन्न सुरक्षा सम्बन्धी सामाग्री तयार गरी निःशुल्क वितरण गरेको र अहिलेसम्म ३८ हजार ५०० थान पिपिई निःशुल्क प्रदान गरिसकेको जानकारी दिए । वैज्ञानिक पुनले वर्तमान संकटकालीनावस्थामा त्यही अनुसारको अध्यादेश र कानून बनाएर भए पनि जनताको जीवन रक्षा गर्न उपप्रधानमन्त्रीलाई आग्रह गरेका छन् ।
Related