काठमाडौं । खुकुरी नेपाल सुपर लिग (एनएसएल)को उपाधिका लागि आज (शनिबार) फाइनलमा प्रतिस्पर्धा हुदैछ । आज हुने पहिलो संस्करणको उपाधिका लागि काठमाडौं रेजर्स एफसी र धनगढी एफसीबीच प्रतिस्पर्धा हुन लागेको हो ।
काठमाडौंको त्रिपुरेश्वरस्थित दशरथ रंगशालामा खेल साँझ साढे ५ बजेबाट सुरु हुनेछ । प्रतियोगिताको फाइनल अघि दुबै टिमका कप्तान र प्रशिक्षकहरुले उपाधि जित्ने योजनासहित मैदानमा उत्रने बताईसकेका छन् ।
धनगढी एफसी
काठमाडौंका प्रशिक्षक बाल गोपाल महर्जनले कमीकमजोरीलाई सुधार्दै धनगढीसँग बदला लिदै उपाधि उचाल्ने बताए । काठमाडौं ‘लिग चरण र सेमिफाइनल (प्लेअफ) मा धनगढीसँग हार ब्यहोरेको थियो । तेस्रो भेटलाई बदलाको सुनौलो अवसर भएको बताउँदै प्रशिक्षक महर्जनले उपाधी घरमै जितेर राख्न मेहनत गर्ने बताए ।
काठमाडौंका मार्की तथा कप्तान नेपालका दोस्रो नम्बर गोलकिपर विकेश कुथुले दुई खेलको हारबाट पाठ सिकेको र फाइनलमा जित्दै उपाधी उचाल्ने हिसाबले खेल्ने बताए ।
काठमाडाैं रेजर्स एफसी
अघिल्ला दुई खेलमा विजयी धनगढीले उच्च मनोबलको साथ फाइनल खेलमा मैदान उत्रने बताएका छन् । ‘दुई भेटमा काठमाडौंलाई पराजित गरिसकेकातापनि प्रतिद्वन्दीलाई सम्मान गर्दै उपाधि जित्नका लागि खेल्ने धनगढीका नाइजेरियन प्रशिक्षक तोपे फुजाले बताए ।
धनगढीका आईकोनिक खेलाडी तथा कप्तान नेपालका एकनम्बर गोलकिपर किरण कुमार लिम्बुले फाइनल खेल निक्कैनै प्रतिस्पर्धात्मक हुने उल्लेख गर्दै प्रतिद्वन्दीलाई सम्मान गर्दै उपाधिका लागि खेल्ने प्रतिक्रिया दिए । ‘तेस्रो पटक काठमाडौंसँग खेल्न पाउँदा आफू निक्कै नै उत्साहित भएको बताउँदै आइकोनिक खेलाडी लिम्बुले फाइनल निक्कै प्रतिस्पर्धात्मक हुने बताउँदै उपाधि जित्ने विश्वासका साथ खेल्ने बताए ।
फाइनल खेल विजेताले ३५ लाख पाउने छ भने उपविजेताले १५ लाख पाउनेछन् । त्यसैगरी विधागत उत्कृष्ट खेलाडीले १÷१ लाख र उत्कृष्ट युवा खेलाडीले पनि १ लाख रकम पाउनेछन् । पहिलो संस्करणको यो खेलमा ७ फ्रेन्चाइज टिम सहभागी भएका छन् ।
बसन्तराज सुब्बा, केर्खाबजार, झापा । “युवाको प्रतिवद्धता, लागु औषध दुव्र्यसनी मुक्त कमल गाउँपालिका” भन्ने नाराक साथ कमल युथ फाउन्डेशनको आयोजनामा मिनी म्याराथन प्रतियोगिता सम्पन्न भएको छ । झापाको कलमस्थित केर्खाजारमा नयाँ बर्षको अवसरमा वैशाख १...
दमक । सेवा प्रवाहलाई थप पारदर्शी र प्रभावकारी बनाउने उद्देश्यले इलामको माङसेबुङ गाउँपालिकाले सोमबार सार्वजनिक सुनुवाइ कार्यक्रम आयोजना गरेको छ । गाउँ कार्यपालिकाको कार्यालय इभाङको प्राङ्गणमा चालु आर्थिक वर्ष २०८२/०८३ को पहिलो सार्वजनिक सुनुवाइ कार्यक्रम...
ललितपुर । पापोहाङ लाओती सयङ उपत्यका समिति गठन भएको छ । शनिबार ललितपुरस्थित सानो हात्तिवनमा क्षितिज लाओतीको अध्यक्षतामा नयाँ समिति गठन भएको हो । ताम्भुङ् चाँ, साक्मुरा वादेम्मा तथा सांस्कृतिक कार्यक्रममा पुरानो समिति भङ्ग गरि...
दमक,। तामाङ समुदायको साझा संगठन नेपाल तामाङ घेदुङ १ न प्रदेश अध्यक्षमा झापाका जगत तामाङ सर्वसम्मत चयन भएका छन् । मोरङको पथरीमा सम्पन्न अधिवेशनबाट नयाँ नेतृत्व सर्वसम्मत चयन भएको हो। दोस्रो प्रदेश अधिवेशनले तीनजना उपाध्यक्ष...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७