लोवा बने खुल्ला अनलाइन कविता प्रतियोगिताको विजेता, पाउँनेछन् १ लाख १०५ रुपैयाँ

 लिम्बुवान न्युज
                       

दमक। पाँचथरका मचिन्द्र लोवा (सेमी) “अस्तित्व र पहिचानको निम्ति” खुल्ला अनलाइन कविता प्रतियोगिताको बिजेता बनेका छन् । संघीय लेखक मञ्च प्रवास समिति मलेसियाले आयोजना गरेको अनलाइन कविता प्रतियोगिताको विजयी बन्दै लोवाले नगद १ लाख १०५ रुपैयाँ र प्रमाणपत्र हात पारेका हुन् ।

पाँचथरको फालेलुङमा स्थायी बसोबास गर्नुहुने लोवाको “माङ्गेन्ना” शिर्षकको कविता प्रथम भएको हो । यसैगरी इलाम माङसेबुङका मनिभक्त राईको ‘प्रतिशोध’ कविताले दोस्रो स्थान, इलामकै सुर्योदन नगरपालिका १ की अन्जिला अर्पणा थामीको ‘सभ्यताको एकता’ शिर्षकको कविता तेस्रो र झापा दमकका अवि चेम्जोङ्को ‘बुढो रुख र हजुरबुबा’ शिर्षकको कविताले सान्तवना पुरस्कार जितेको छ ।

प्रथम पुरस्कार विजेताः मचिन्द लाेवा (सेमी)

संघीय लोकतान्त्रिक राष्ट्रिय मञ्च तथा संघीय लिम्बुवान मञ्चको प्रवास समिति संघीय लिम्बुवान सामाजिक मञ्च, प्रवास समितिको जनसंगठनको रुपमा रहेको संघीय लिम्बुवान लेखक संघले आयोजना गरेको उक्त अनलाइन कविता प्रतियोगितामा दोस्रो, तेस्रो र सान्तवना पुरस्कार विजेताहरुले क्रमशः ५० हजार १०५ रुपैयाँ, २५ हजार १०५ रुपैयाँ र प्रमाणपत्र र १० हजार १०५ र प्रमाणपत्र पाउनेछन् ।

विभिन्न मुलुकमा रहेका ५६ वटा कविताहरु समावेश भएको पहिलो चरणबाट १६ वटा कविता छनौट गरी दोस्रो चरणको पब्लिक च्वाइसबाट प्रथम, दोस्रो, तेस्रो र सान्तवना विजेताहरुको छनौट गरिएको कार्यक्रम संयोजक तथा लेखक मञ्चका अध्यक्ष जनम लिङ्दमले बताए ।

गत मंसिर महिनाबाट शुरु भएको यस प्रतियोगिताको विजेताहरुको नामावली विज्ञप्ति मार्फत आइतबार सार्वजनिक गरिएको हाे । आगामी जेष्ठ १६ गते अंग्रेजी महिनाक मे ३० तारिखका दिन भरच्यूल जुम मार्फत पुरस्कार वितरण गर्दै कार्यक्रम सम्पन्न गर्ने संयोजक लिङदमले बताएका छन् ।

प्रथम पुरस्कार कवितालाइ तल हेर्नुहाेस्ः

 

 

 

 

सम्बन्धित समाचार

पत्रकार र बन कर्मचारीको परिचयपत्र देखाएर ठगी गर्ने २ जना पक्राउ

दमक/पत्रकार परिचयपत्र र वनको कर्मचारी हौ भन्दै काठ मिलमा पैसा उठाएर ठगी गर्ने २ जनालाई मोरङ रतुवामाई नगरपालिका १० बाट प्रहरीले पक्राउ गरेको छ । ईलाका प्रहरी कार्यालय सिजुवाबाट खटिएको प्रहरी टोलीले इटहरी उपमहानगरपालिका ६...

फाल्गुनन्दमा कोरोना संक्रमितलाइ संकलित राहत वितरण, कोरियाबाट ३ लाख ५० हजार बराबरको स्वास्थ्य सामाग्री प्रदान

पाँचथर, ६ असार । फाल्गुनन्दमा कोरोना मुक्त अभियान संचालनमा क्रियाशिल स्थानीय युवाहरुले कोरोना संक्रमित परिवारलाई रातहत वितरण गरेको छ । आइतबार कोरोना पोजेटिभ भई घरमै आइसोलेशनमा बसेकाहरुलाई खाद्यन्न सामाग्री राहत दिईएको हो । वैदेशिक रोजगारीको...

दलित भनेर कोठा नदिएको अभियोगमा एक महिला पक्राउ

काठमाडौं। दलित भएकै कारण कोठा दिन नमानेको आभियोगमा एक महिला पक्राउ परेकी छिन् । सञ्चारकर्मीसमेत रहेकी रुपा सुनारलाई दलित भएकै कारण कोठा नदिएको आरोपमा प्रहरीले बबरमहलकी सरस्वती प्रधानलाई आइतबार पक्राउ गरेको हो । दलित भएकै...

जसपानिकट कानून व्यवसायीद्वारा ठाकुरविरुद्ध कीर्ते जालसाजीमा मुद्दा दर्ता गर्दै

काठमाडौँ ०६, असार। जनता समाजवादी पार्टी, नेपाल (जसपा) निकट कानून व्यवसायीले महन्थ ठाकुर र राजेन्द्र महतो समूह विरुद्ध अदालतमा किर्ते जालसाजी मुद्दा दर्ता गर्ने तयारी गरेका छन् । अल्मतमा परेका जसपाका अध्यक्ष महन्थ ठाकुरले अर्कै...