दमक, २७ वैशाख । यहि वैशाख ३० मा सम्पन्न हुन लागेको स्थानीय तहको चुनावलाई लक्षित गर्दै याक्थुङ लेखक संघ र किरात याक्थुङ चुम्लुङ दमक नगर समितिले नगरबाट विभिन्न राजनैतिक दलबाट उम्मेद्वारी दिएकाहरुलाई सम्मान गरेको छ । सोमबार दमक ५ स्थित एस. जि. होटेलमा आयोजित “समाजमा याक्थुङ लिम्बुहरुको राजनीतिक भुमिकाबारे कार्यक्रम” मा सम्मान गरिएको हो ।
उक्त कार्यक्रममा दमक नगरबाट स्थानीय तहको चुनावमा उमेदवारी दिनु हुने बाह्र जना लिम्बु उम्मेदवारहरुलाई सम्मान गरिएको थियो । सम्मानित हुनेहरुमा संघीय लोकतान्त्रिक राष्ट्रिय मञ्च, संघीय लिम्बुवान प्रान्तीय मञ्च दमकका मेयरका उम्मेदवार याम लोरीङदेन, दमक वडा नं–१ का वडा अध्यक्षमा मोहन थेबे, सदस्यमा उदिनमान तुम्म्रुक, नन्दलाल बेघा, त्यसैगरी वडा नं ८ बाट वडाध्यक्ष बेनु लिम्बु, वडा सदस्य चन्द्र बहादुर कन्दङवा, कुल बहादुर लिङदेन, दमक ८ बाट वडाध्यक्ष पदम बेघा, वडा ५ सदस्य सुक बहादुर सदेम्बा, जनता समाजवादी पार्टीबाट वडा नं २ का सदस्य पदका उम्मेदवार आकाश लाओती र राष्ट्रिय जनमुक्ती पार्टीबाट वडा नं. ८ का सदस्य दिलु तुम्मोकलाई सम्मान गरिएको हो ।
कार्यक्रमका प्रमुख अतिथि किरात याक्थुङ चुम्लुङ झापा झिल्ला अध्यक्ष सेसेहाङ फियाकले अब याक्थुङ विकास प्रेमी याक्थुङ वा गैर थाक्थुङहरुलाई आगामी चुनावमा सहयोग गर्ने,तर याक्थुङ विरोधीहरुलाई भोट नदिने कुरो बताए ।
अब याक्थुङहरु चिराचिरा भएर होइन एक भएर चुनावी मैदानमा उत्रनु पर्छ भन्दै कार्यक्रमका शभानायक तथा किरात याक्थुङ चुम्लुङ दमक नगर समिति अध्यक्ष देबेन्द्र चेम्जोङले बताए ।
यसैगरी याक्थुङ लेखक संघको केन्द्रिय सदस्य विक्रम वनेम फागोले याक्थुङ लिम्बुहरु याक्थुङ पहिचान विरोधी पार्टीहरुको झोले भएर याक्थुङहरुको सर्वाङ्गीण विकास नहुने कुरा स्वागत मन्तव्यमा राखेका थिए ।
दमकको मेयर हुने बितिकै प्रस्तावित फाल्गुनन्द सभा गृह बनाउने । त्यस सभा गृहलाई दमक सभा गृह बनाउन नदिने र सिंगो दमकको विकासमा जुठने प्रतिवद्ता संघिय लोकतान्त्रिक राष्ट्रिय मञ्च संघिय लिम्बुवान प्रान्तीय मञ्चबाट दमक नगरपालिका मेयरमा उमेदवारी दिएका याम लोरीङदेन राखे ।
अब दमकलाई आर्थिक, समाजिक, शैक्षिक अनि सास्कृतिक रुपले उठाउन सहि नेतृत्व छान्न जन्ताहरुलाई वडा १ का वडा अध्यक्ष उमेदवार मोहन थेबेले आग्रह गरे । यसैगरी वडा नं. ८ का सदस्य चन्द्रबहादुर कन्दङ्वाले आगामी निर्वाचनमा संघिय लोकतान्त्रिक राष्ट्रिय मञ्चलाई बहुमतले विजय गराइ दिनु होस, हामी याक्थुङ समुदायको मात्र होइन सिंगो दमकवासीको भाग्य र भविष्य बदल्ने छौ भन्ने प्रतिवद्ता जनाएका छन् ।
यसैगरी याक्थुङ पहिचान र याक्थुङ हक हितका कुरा लिएर निरन्तर लडि रहने जनता समाजवादि पार्टीका वडा २ का वडा सदस्य आकाश लाओतिले बताए ।
कार्यक्रममा किरात याक्थुङ चुम्लुङ दमक नगर समितिका उपध्यक्ष ओम माया आङदेम्बे, राष्ट्रिय एकता पार्टी नेपालका कोषाध्यक्ष मन कुमारी पंधाक, मिना योङहाङ, ललिता गोले, दिनेश लाओती, गुमानसिंह सम्बाहाम्फे र तिल बहादुर सेर्माको समेत उपस्थिति रहेको थियो । कार्यक्रम सांङसेन पन्धाकले संचालन गरेका थिए ।
दमक, ६ भदौं । झापा जिल्ला अन्तरर्गत किरात याक्थुङ चुम्लुङ अर्जुनधारा नगर तदर्थ समिति गठन भएको छ । शनिबार राजेश जवेगुको अध्यक्षतामा अर्जुनधारा नगर तदर्थ समिति गठन गरिएको हो । तदर्थ समितिको उपाध्यक्षमा पूर्णबहादुर लिङदेन,...
दमक। इलाम जिल्लाको चुलाचुली गाउँपालिकाले स्थानीय तहबाटै भूमि प्रशासनसम्बन्धी सेवा सुरु गरेको छ । बिहीबार गाउँपालिले एक विशेष समारोहको आयोजना गर्दै इलाम सदरमुकामस्थित भूमि प्रशासन तथा नापी कार्यालयबाट प्रवाह हुँदै आएको सेवा गाउँपालिकाबाट शुरु भएको...
दमक, ३० भदौं । याक्थुङ मुन्चइत चोक सयङले आफ्नो १७औं स्थापना दिवस मनाएको छ । शनिबार किरात याक्थुङ चुम्लुङको ललितपुरस्थित चुम्लुङहिमा सांस्कृतिक कार्यक्रमसहित आयोजना गरिएको हो । सयङको नेवाःताम्सालिङ प्रदेश समितिको आयोजनामा कियाचु संघीय अध्यक्ष...
मधुमल्ला, मोरङ । मिक्लाजुङ गाउँपालिकाले सामुदायिक विद्यालयलाई प्रविधिमैत्री बनाउने अभियानअन्तर्गत ३५ विद्यालयलाई करिब १ करोड ५६ लाख रुपैयाँ बराबरको ICT सामग्री हस्तान्तरण गरेको छ। विद्यालयलाई इन्टरेक्टिभ बोर्ड, कम्प्युटर, ल्यापटप, प्रोजेक्टरलगायतका सामग्री प्रदान गरिएको हो। गाउँपालिकाले...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७