अब एकदिवसीय विश्वकप क्रिकेटमा १४ र टी–२० विश्वकपमा २० टिम हुने

 लिम्बुवान न्युज
                       

लिम्बुवानखबर । अन्तर्राष्ट्रिय क्रिकेट काउन्सिल आइसीसीले सन् २०२४ देखि २०३१ सम्ममा विश्वकप क्रिकेटमा टीम संख्या बढाउने जनाएको छ । अब एकदिवसीय विश्वकप क्रिकेटमा १४ र टी–२० विश्वकपमा २० टिम सहभागी हुनेछन् ।

आइसीसीको अब हुने सन् २०२७ र २०३१ को एकदिवसीय विश्वकप क्रिकेटमा १४ टिमले प्रतिस्पर्धा गर्नेछ । आइसीसीले एकदिवसीय विश्वकपमा सहभागी टिम संख्या बढाउने निर्णय गरेको हो । आइसीसीले पछिल्लो समय प्रतिस्पर्धात्मक बनाउन विश्वकपमा १० टिमलाई मात्र सहभागि गराईदै आएको छ । सन् २०२३ मा हुने एकदिवसीय विश्वकप भने पुरानो फरम्याटमा अनुसार १० टिमले मात्र खेल्ने छन् ।

यस्तै, अब २०२४ देखि टी२० विश्वकपमा २० टिमले प्रतिस्पर्धा गर्ने भएका छन् । आइसीसीले सन् २०२४, २०२६, २०२८ र २०३० को टी२० विश्वकपमा २० टिमले प्रतिस्पर्धा गर्ने जनाएको छ । यस्तै ८ टिम सहभागि हुने च्याम्पियन्स ट्रफी २०२५ र २०२९ मा हुनेछ ।

टी–२० विश्वकपमा ५–५ टिमको चार समूह हुनेछ । चार समूहको शीर्ष दुई टिम सुपर एटमा प्रवेश गर्नेछ । त्यसपछि नकआउट स्टेजमा खेल हुनेछ । विश्वकपमा टिम संख्या बढ्ने भएपछि नेपाल लगायत एसोसिएट राष्ट्रलाई समेत फाइदा पुग्नेछ । नेपालले सन् २०१४ मा पहिलो पटक टी२० विश्वकप खेलेको थियो । तर त्यसयता नेपाल एकपटक पनि टी२० विश्वकपमा छनोट हुन सकेको छैन । एकदिवसीय विश्वकपमा भने नेपाल हालसम्म छनोट हुन सकेको छैन ।

महिला विश्वकपमा भने यसअघि नै टिम संख्या बढाउने आइसीसीले निर्णय गरिसकेको छ । सो अनुसार अब एकदिवसीय महिला विश्वकपमा १४ टिमलाई दुई समूहमा विभाजन गरिनेछ र दुवै समूहको शीर्ष तीन टिमहरु सुपर सिक्सका लागि छनोट हुनेछन् ।

सम्बन्धित समाचार

दलित भनेर कोठा नदिएको अभियोगमा एक महिला पक्राउ

काठमाडौं। दलित भएकै कारण कोठा दिन नमानेको आभियोगमा एक महिला पक्राउ परेकी छिन् । सञ्चारकर्मीसमेत रहेकी रुपा सुनारलाई दलित भएकै कारण कोठा नदिएको आरोपमा प्रहरीले बबरमहलकी सरस्वती प्रधानलाई आइतबार पक्राउ गरेको हो । दलित भएकै...

जसपानिकट कानून व्यवसायीद्वारा ठाकुरविरुद्ध कीर्ते जालसाजीमा मुद्दा दर्ता गर्दै

काठमाडौँ ०६, असार। जनता समाजवादी पार्टी, नेपाल (जसपा) निकट कानून व्यवसायीले महन्थ ठाकुर र राजेन्द्र महतो समूह विरुद्ध अदालतमा किर्ते जालसाजी मुद्दा दर्ता गर्ने तयारी गरेका छन् । अल्मतमा परेका जसपाका अध्यक्ष महन्थ ठाकुरले अर्कै...

सर्वोच्चद्वारा पत्रकारलाई कोभिड विरुद्धको खोप लगाउने ब्यवस्था गर्न सरकारलाई अन्तरिम आदेश

काठमाडौं, ६ असार। सर्बोच्च अदालतले पत्रकारहरुलाई प्राथमिकता दिएर कोभिड–१९ विरुद्ध खोप उपलब्ध गराउने ब्यवस्था मिलाउन सरकारका नाममा अन्तरिम आदेश दिएको छ । पत्रकार तथा अधिवक्ताद्वय लीलानाथ धिमिरे र बिष्णु गिरी निश्चलले फन्टलाइनमा कार्यरत सबै पत्रकारलाई...

दमकमा स्काउटको ७०औं स्थापना दिवस विरुवा गोडमेल गरी मनाइयो

दमक/झापाको दमकमा नेपाल स्काउटको ७०औं स्थापना दिवस मनाइएको छ । शनिबार दमक ३ बेलडाँगी स्थित हंसेदुम्से सामुदायिक बन क्षेत्रमा रोपिएका फलफुलका विरुवा गोडमेल गर्दै वातावरण संरक्षणको सन्देश दिदैं स्काउटरहरुले मनाएका हुन् । दमक नगरपालिका उपप्रमुख...