पाँचथर, ६ असार । फाल्गुनन्दमा कोरोना मुक्त अभियान संचालनमा क्रियाशिल स्थानीय युवाहरुले कोरोना संक्रमित परिवारलाई रातहत वितरण गरेको छ । आइतबार कोरोना पोजेटिभ भई घरमै आइसोलेशनमा बसेकाहरुलाई खाद्यन्न सामाग्री राहत दिईएको हो ।
वैदेशिक रोजगारीको शिलशिलामा विभिन्न देशमा पुगेका फाल्गुनन्द गाउँपालिकाका युवाहरुले आफ्नो कमाईको केही अंश गाउँमा कोरोना संक्रमितलाई मद्दत पुगोस् भन्ने हेतुले पठाएको रकमबाट प्रत्येक संक्रमितलाई २० केजी चामल र १ लिटर तेल कोरोना मुक्त अभियानका अभियन्ता संघीय लिम्बुवान मञ्च, नेपालका सचिव लावाहाङ्ले जनाएका छन् ।
संक्रमति परिवारलाई समस्या नपरोस्, आत्मबल बढाउन र स्वास्थ्य मापदण्ड पालना गरेर होम आइसोलेसनमा बस्न अनुरोध गर्दै पहिलो चरणमा फाल्गुनन्द फाक्तेपको जहाने, मसरे, पुछारे टोल र डाँडागाउँमा वितरण गरिएको छ । त्यसैगरी फाक्तेप ३ र ९ वार्डहरुमा पनि रातहत वितरण गरिने अभियन्ता चेम्जोङ् बताए ।
अभियन्ताका संयोजक चेम्जोङ्ले भने –‘फाल्गुनन्दलाई कोभिड–१९ मुक्त बनाउने हाम्रो अभियान’ भन्ने नाराका साथ सबै युवाहरु क्रियाशिल भएका छौ. । जापान, सिंगापुर, बेलायत, कोरिया, कतार, दुवई, साउदी, मलेसिया, बहराइन, कुवेत, भारत लगायत देशमा गएर श्रम गरिरहेका फाल्गुनन्द गाउँपालिकाका युवाहरुले अभियानलाई आर्थिक संकलन गरि पठाएको बताउँदै चेम्जोङ्ले भने फाल्गनुन्दमा पछिल्लो पटक कोरोना संक्रमण उच्चदरमा फैलिएको हुँदा त्यसको रोकथाम गर्न सक्रिय रुपमा लाग्ने र सहयोग निरन्तर प्राप्त भईरहेको समेत बताए ।
रोजगारीको शिलसिलामा कोरिया पुगेका फाल्गुनन्द गाउँपालिकाका युवाहरुले ३ लाख ५० हजार बराबरको स्वास्थ्य सामाग्री सहयोग गरेका छन् । कोरोना संक्रमणलाई न्यूनियकरण गर्न र आफ्नो घरगाउँमा आइपरेको विपत्तिमा सहयोग गरिएको कोरियामा कार्यरत भिमराज चेम्जोङ्ले बताए ।
खरिद गरिएको स्वास्थ्य सामाग्री गाउँपालिकाकालाई हस्तान्तरण गरिएको अभियान्ता लावाहाङ चेम्जोङ्ले बताए ।
सामाग्रीहरु पिपिइ (स्वास्थ्य कर्मीले लगाउने ड्रेस) २४ सेट, पल्स अक्सिमिटर अक्सिजन नाप्ने १२ ओटा, थर्मलगन् ज्वरो नाप्ने १२ ओटा, कप सिरफ खोकीको झोल२०० ओटा, भिटामिन (सि) २५ बट्टा वा ४०० स्ट्रिप, सेनिटाईजर छ लिटरको २० ओटा र ५०० एमएलको ६० ओटा, माक्स २५ हजार पिस, गम्बुट १२ ओटा, ग्लोब्स २० बक्स, प्यारा सिटामोल ७ हजार ट्याब्लेट, चेबन प्रास आयुर्वेदिक औषधि कोरोना बिरामीले खाने १०० केजी, कस्तुरी भुषण ७५ पिस, ग्यस्टी मधु चूर्ण ५० पिस र लक्ष्मी विलास रस २ हजार ट्याब्लेट प्रदान गरिएको छ ।
दमक, २४ असार । लिम्बू भाषामा तयार पारिएको नयाँ म्युजिक भिडियो ‘आदाङ्बे सेवारो’ आइतबार सार्वजनिक गरिएको छ। गायिका तथा निर्देशक मेचु धिमालको युट्युब च्यानलमार्फत भिडियो सार्वजनिक गरिएको हो । गीतमा असित थेगिम र यासेली योङहाङको...
ललितपुर, २१ असार । लिम्बुवान नागरिक समाज यूकेले तिन बर्षमा प्रदान गर्दै आईरहेको काङ्सोरे पुरस्कार इतिहासकार, साहित्यकार, भाषाविद् स्व इमानसिंह चेम्जोङलाई प्रदान गरेको छ । यस वर्ष स्व.चेम्जोङलाई मरणोपरान्त पुरस्कार प्रदान गरिएको हो । शनिवार...
ललितपुर, २१ असार । फक्ताङलुङ सांस्कृतिक मञ्चको पाँचौं राष्ट्रिय महाधिवेशन सम्पन्न भएको छ । ललितपुरस्थित किरात याक्थुङ चुम्लुङको संघीय कार्यालयमा शनिबार मोहन मादेनको अध्यक्षतामा नयाँ कार्य समिति चयन गठन भएको हो । नेपाल प्रज्ञा प्रतिष्ठानका...
ललितपुर, १९ असार । याक्थुङ/लिम्बू भाषामा निर्माण गरिएको लघु चलचित्र ‘तङ्सिङ्’ को छायांकन सम्पन्न भएको छ। पान्थर र काठमाडौँ जिल्लाका विभिन्न ऐतिहासिक स्थलहरूमा छायाँकन सम्पन्न भएको हो। याक्थुङ मुन्चइत चोक सयङकाे निर्माण तथा चलचित्र विकास...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७