दमक/दमक नगरपालिका खेलकुद समितिले आयोजना गर्ने दमक गोल्डकपलाई निरन्तरता दिने बताइएको छ । आगामी आर्थिक बर्षको नीति तथा कार्यक्रममा दमक गोल्डकपलाई निरन्तरता दिने भनी उल्लेख गरेको छ । कोभिड १९ का कारण दमक गोल्डकप हुन सकेको थिएन ।

विकिपिडियामा समेत दमक गोल्डकप बारे जानकारी रहेको पाईएको छ । यो शुरुवाती पहिलो बर्ष मात्र संचालन भएको यो गोल्डकप त्यसपछि हुन सकेको छैन । विकिपिडियामा यस गोल्डकपबारे दमक गोल्डकप (Damak Gold Cup) नेपालको झापा जिल्लामा आयोजना हुने फुटबल प्रतियोगिता हो भनी उल्लेख गरेको छ ।

यो फुटबल प्रतियोगिता वि.स.२०७५ सालबाट सुरूवाट भएको थियोे । प्रतियोगिताको पहिलो संस्करणको फाइनलमा नेपाल पुलिस क्लब र मनाङ मर्स्याङ्दी क्लब भिडेका थिए । जसमा पुलिसले ०–१ ले मनाङ्लाई पराजित गर्दै पहिलो उपाधि चुमेको थियो ।