राई र सन्तराजले उपचार सहयोगको लागि गरे याचना

 लिम्बुवान न्युज
                       


मक, झापा । झापाको शिवसताक्षी ८ बसोबास गर्ने २८ वर्षीय विशाल राई र रेणु सन्तराजले उपचार सहयोगका लागि याचना गरेका छन् ।
बुधबार पत्रकार मञ्च दमकको सभाहलमा राईका तर्फबाट विशाल दुमी राई बचाउ अभियानले पत्रकार सम्मेलन आयोजना गरेर उपचारको सहयोगका लागि याचना गरेको हो । साेही कार्यक्रममा रेणु सन्तराजकाे परिवारले पनि सहयाेगकाे याचना गरेका छन् । अभियानका संयोजक बलबहादुर राईका अनुसार विशालको पारिवारिक अवस्था अत्यन्त नाजुक रहेको र हालसम्म ४–५ लाख रकम उपचारका क्रममा खर्च भइसकेको छ ।
हाल सिभिल अस्पताल काठमाडौंमा उपचार गराइरहेका विशालको शरीरको रगत परिवर्तन गर्नुपर्ने चिकित्सकले सल्लाह दिएको र सो कार्यका लागि ३० देखि ३५ लाख खर्च हुने बताइएको छ ।
अभियानका तर्फबाट इच्छुक मनकारी दाताहरुसँग सहयोगको अपेक्षा गरिएको पत्रकार सम्मेलनमा जारी अपिलमा उल्लेख छ ।
सहयोगका लागि अभयिानले सेन्चुरी बैंक, दमक शाखामा बलबहादुर राई र धिरज राईको नाउँमा बैंक खाता खोलेको जानकारी दिइएको छ ।
सहयोग गर्न इच्छुक दाताहरुलाई सेन्चुरी बैंकको दमक शाखामा खता नम्बर 0570001530C5 मा सहयोग रकम जम्मा गरिदिन अनुरोध गरिएको छ ।

यस्तैगरी सोही मञ्चको सभाहलबाट दमक ७ निवासी ५२ वर्षीया रेणु सन्तराजको परिवारले पनि उपचार सहयोगको याचनासहित दाताहरुसमक्ष अनुरोध गरेका छन् ।
२ वर्षअघिदेखि दुवै मृगौला खराब भइ बिराटनगरस्थित नोबेल मेडिकल कलेजमा उपचार गराइरहेकी सन्तराजको परिवारले सहयोग गरिदिनहुन अनुरोध गर्दै पत्रकार सम्मेलन गरेका हुन् ।
बिगत ४० वर्षदेखि दमकमा ढुङ्गाको जातो, सिलौटालगायत घरायसी सामग्री कुँदेर जिविकोपार्जन गर्दै आएकी सन्तराजको उपचारका क्रममा जायजेथासमेत सकिएको उनका छोरा मुकेश सन्तराजले जानकारी दिए ।
उनलाई सहयोग गर्न इच्छुकले मुकेश सन्तराजको नाममा प्राइम कमर्सियल बैंक दमक शाखामा रहेको खाता नम्बर 03501810CA मा सहयोग रकम जम्मा गरिदिन अनुरोध गरिएको छ ।

सम्बन्धित समाचार

लिम्बुवान भोलेन्टियर्सका सह-कमाण्डर लाजेहाङ आइसियूमा

धरान, ९ चैत्र । संघीय लिम्बुवान प्रान्तीय मञ्च मातहत लिम्बुवान भोलेन्टियर्सका सह-कमाण्डर धरानस्थित विपि कोइराला स्वास्थ्य विज्ञान प्रतिष्ठानको सघन उपचार कक्षमा उपचार भईरहेको छ । उनी यहि चैत्र ५ गते विराटनगरको विरोध जनप्रदर्शनमा शसस्त्र प्रहरीसँगको...

घाइते आङदेम्बेलाई प्रतिष्ठानद्वारा आर्थिक सहयोग प्रदान

दमक, ८ चैत्र । शहीद राजकुमार आङदेम्बे ‘माङतोक’–मनिल तामाङ् स्मृति प्रतिष्ठानका उपाध्यक्ष दिपक आङदेम्बेका छोरा साम्योक आङदेम्बेलाई आर्थिक सहयोग प्रदान गरिएको छ । प्रदेश नं. १ पुनः नामाङकन संघर्ष समितिले गत चैत्र २८ गते गरेको...

‘कोशी’ प्रदेश नाम खारेजी आन्दोलनकाे कार्यक्रम पुनः घोषणा

दमक, ८ चैत्र । प्रदेश नं. १ पुनः नामाङ्कन संयुक्त सङ्घर्ष समितिले बुधबार फेरि आन्दोलनको कार्यक्रम विज्ञप्ति जारी गर्दै सार्वजनिक गरेको छ । षड्यन्त्रपूर्वक छलकपटपूणर् एवम् छापामार शैलीमा शासक जातीय एकल पहिचानको साम्प्रदायिक ‘कोशी’ प्रदेश...

शहीद मनिल तामाङको १४औं स्मृति दिवस मनाइयो

दमक, ७ चैत्र । राष्ट्रिय शहीद मनिल तामाङ्को १४औं स्मृति दिवसमा श्रद्धाञ्जली कार्यक्रम गरि विविध स्थानमा मनाइएको छ । २०६५ चैत्र ६ गते प्रहरीको गोली लागि धुलाबारीस्थित क्याम्पसमा शहादत्ता प्राप्त गरेका शहीद तामाङ्को स्मरण गर्दै...