११ असार, लिम्बुवान ।  नागरिक उन्मुक्ति पार्टी (एकीकृत)मा मुलुकभर हजाराैं जना पार्टी प्रवेश गरेका छन् । आइतबार बर्दियाको गुलरियामा पार्टी कार्यालयको उद्घाटन गर्दै संरक्षक रेशम चाैधरीले यस्तो बताएका हुन् ।

राष्ट्रपति रामचन्द्र पाैडेलबाट गत साउन १५ गते चाैधरीले अाम माफी पाइ रिहाइ भएकै दिन देखि देश दाैडाहामा सुदुरपश्चिम देखि पूर्व झापासम्म  तराइका २२ वटै जिल्लाहरूमा सयाैं कार्यक्रमहरू भएसँगै  हजाराैंले पार्टी प्रवेश गरेकाे उनले बताएका छन् ।

पार्टीका संरक्षक चौधरीले आफ्नो पार्टीको मुल लक्ष्य मुलुकको सुशासन, विकास र समृद्धि नै भएको बताएका छन् ।

सबै नागरिकले समान रुपमा जीवन जिउन पाउनु पर्ने र त्यसको ग्यारेण्टी राज्यले लिनु पर्ने भन्दै उनले सबै दलका नेताहरुले यसमा गम्भिर बन्न आग्रह समेत गरे ।

पार्टी कार्यालय उद्घाटनसँगै विभिन्न दलहरु परित्याग गरि आएकाहरुलाई उनले पार्टी प्रवेश समेत गराए ।  उनले जनताका मुद्दामा इमान्दार बनेर काम गर्ने पार्टी नाउपा मात्रै भएकाले अब यसको विकल्प नभएको समेत दाबी गरे ।

आफुले मुलुकभर संगठन विस्तार एवं भेटघाट गरिरहँदा जनताले देखाएको विश्वासलाई आफुले कहिल्यै नतोड्ने समेत बताए । सबै जाती वर्गहरूलाइ समेट्ने पहिचानवादी पार्टीमा प्रवेशको लहरले एकताबद्धरुपमा मुलुकको विकास गर्न सहयोग पु¥याउन आफ्नाे इच्छा थप बलियो बन्दै गएको उनले बताए ।