अर्जेन्टिना कोपा अमेरिकाको च्याम्पियन, ब्राजिल घरेलु मैदानमा स्तब्ध

 लिम्बुवान न्युज
                       

एजेन्सी । अर्जेन्टिनाले ४७औं कोपा अमेरिका फुटबलको उपाधि चुमेको छ । आज (आइतबार) बिहान भएको फाइनलमा आयोजक ब्राजिललाई १–० गोल अन्तरले पराजित गर्दै अर्जेन्टिनाले उपाधि जितेको हो ।

ब्राजिलको माराकाना स्टेडियममा अर्जेन्टिनालाई उपाधि दिलाउन एन्जल डी मारियाले निर्णायक गोल गरेका थिए । खेलको २२ औं मिनेटमा डी मारियाले निर्णायक गोल गरे । उनले रोड्रिगो डी पाउलको पासमा उत्कृष्ट गोल गरेका थिए ।

ब्राजिलले भने धेरैपटक अवसर पाएपनि अवसरलाई सदुपयोग गर्न सकेन । ब्राजिलको आक्रमणलाई अर्जेन्टिनाका गोलकिपर इमिलियानो मार्जिनेज बाधक बनेका थिए । अन्तत ब्राजिलले उपाधि घरमा राख्न असफल भयो ।

यो जीतसँगै कप्तान लियोनल मेस्सीले अर्जेन्टिनाका लागि पहिलो अन्तराष्ट्रिय उपाधि जित्न सफल भएका छन् । ३४ वर्षीय मेस्सीले सन्यास फिर्ता लिदै अर्जेन्टिनालाई उपाधि दिलाउन सफल भएका हुन् । मेसीले सन् २०१६ को कोपा अमेरिकाको फाइनलमा पराजित भएपछि सन्यास घोषणा गरेका थिए । तर, उनले सन्यास फिर्ता लिदै पुनः राष्ट्रिय टिममा फर्किएका थिए ।

२८ बर्ष पछि पहिलो पटक उपाधि जितेको अर्जेन्टिनाको यो १५ औं कोपा उपाधि हो । अर्जेन्टिनाले पछिल्लो पटक सन् १९९३ मा उपाधि जितेको थियो ।

उत्कृष्ट खेलाडीका साथै ४ गोल गर्दै हाइ स्कोरर समेत मेसीले हात पर्दा उत्कृष्ट गोलकिपर अर्जेन्टिनाका गोलकिपर मार्जिनेज बनेका छन् । फाइनल खेलको म्यान अफ दि म्याच भने एक मात्र गोल गर्न सफल अर्जेन्टिनाका डि मारियाले हात पारेका छन् ।

सम्बन्धित समाचार

आयोगले तोक्यो चुनाव खर्चको सीमा, कुन क्षेत्रमा कति ?

काठमाडौं, १७ असाेज । निर्वाचन आयोगले उआसन्न प्रतिनिधिसभा निर्वाचनमा उम्मेदवारहरुले गर्न पाउने खर्चको सीमा तोकेको छ । आयोगले मतदाता संख्या, निर्वाचन क्षेत्रको क्षेत्रफल र मतदान केन्द्रका आधारमा क्षेत्रअनुसार खर्च निर्धारण गरेको हो, जसअननुसार मतदाताको संख्यालाई...

चुलाचुली लिम्बुवान अध्यक्षमा नरेन्द्र लेक्वा निर्वाचित

इलाम, सा.लि./संघीय लिम्बुवान प्रान्तीय मञ्च चुलाचुलीको पाँचौ अधिवेशनले नरेन्द्र लेक्वालाई अध्यक्षमा सर्वसम्मत चयन गरेको छ । शनिबार चुलाचुली १स्थित हात्तिलेदामा आयोजित अधिवेशन लेक्वालाई अध्यक्षमा निर्वाचित गरेको हो । शनिबार आयोजित अधिवेशनले लेक्वाको अध्यक्षतामा १३ सदस्यीय...

दमकमा लिम्बु कथानक चलचित्र ‘थिम’काे विशेष प्रदर्शन

दमक । झापाको दमकमा निर्देशक यलम्बर खम्बुको निर्देशन रहेको लिम्बु कथानक चलचित्र ‘थिम’को हाउसफुलका साथ विशेष प्रदर्शन सम्पन्न भएको छ । शनिबार दमकस्थित गोर्खा डिपार्टमेन्ट स्टोरको हलमा चलचित्र ‘थिम’का निर्देशक यलम्बर खम्बु, चलचित्रका कलाकार, लेखक तथा...

जेष्ठ नागरीक दिबस तेह्रथुममा सम्मन्न

३२ औ अन्तर्राष्ट्रिय जेष्ठ नागरीक दिबस आज विभिन्न कार्यक्रम सहित तेह्रथुमको सदरमुकाम म्याङलुङमा बजारमा सम्पन्न भएको छ । जेष्ठ नागरीक जिल्ला संघ तेह्रथुमको आयोजनामा भएको दिबसमा म्यङलुङको बस पार्कबाट र्यालि निकाली उधोग बाणिज्यको सभाहालमा पुगी...