अर्बपति रिचार्ड ब्रान्सन आफ्नै जहाज चढेर अन्तरिक्षमा यात्रा गर्ने पहिलो व्यक्ति

 लिम्बुवान न्युज
                       

एजेन्सी। बेलायती अर्बपति तथा भर्जिन ग्यालाक्टिक कम्पनीका मालिक रिचार्ड ब्रान्सन आफ्नै लगानीको रकेटमा चढेर अन्तरिक्षको यात्रा गर्ने पहिलो व्यक्ति बनेका छन् ।

उनको कम्पनी भर्जिन ग्यालाक्टिकले निर्माण गरेको सुपरसोनिक स्पेस जहाज आइतबार बिहान अमेरिकाको न्यु मेक्सिकोबाट ब्रान्सन र अन्य ३ जना यात्रुलाई लिएर अन्तरिक्ष उडानमा निस्किएको थियो ।

उक्त जहाजमा ब्रान्सनसँगै कम्पनीका ३ अन्य कर्मचारी बेथ मोसेस, कोलिन बेन्नेट र सिरिसा बन्दला दिए । त्यस्तै डेभ म्याके र माइकल मासुस्सीले उत्त जहाज उडाएका थिए ।

स्पेसशिप टू नामक उक्त सिंगल रकेट मोटर जहाज निर्माणका लागि कम्पनीले २ दशकको अथक मिहिनेत लगाएको थियो । उक्त जहाज पृथ्वीभन्दा ८५ किलोमिटर उचाइँमा पुगेर केहीबेर तौलविहीनतामा अडिएको थियो । त्यतिबेला जहाजका यात्रुहरुले पृथ्वी र अन्तरीक्षको प्यानोरामिक दृश्य हेर्न पाएका थिए ।

उक्त सुक्ष्म गुरुत्वाकर्षण क्षेत्रमा तौलविहीनता अनुभव गरिरहँदा ब्रान्सनले जहाजको क्यामरा प्रयोग गरी सन्देश दिए– त्यहाँ भएका सबै बच्चाहरु । म कुनैबेला आकाशका तारा हेरिरहने सपना बोकेको बच्चा थिएँ । अहिले म वयस्क छु र अन्तरिक्षयानमा छु । यदि हामीले यो गर्न सक्छौँ भने कल्पना गर्नुहोस् तर तपाईंले के गर्न सक्नुहुन्छ ।

ब्रान्सनले आफ्नो जिवनकालकै सवोत्कृष्ट अनुभव भएको बताएका छन् ।

अन्तरिक्ष जहाजमा पृथ्वीबाट उडेको एक घण्टामै उनी सकुसल पृथ्वीमा अवतरण गरेका थिए ।

योसँगै आफ्नै साधनबाट अन्तरिक्ष पर्यटनको सुरुआत गर्ने अर्बपतिहरुमा ब्रान्सन अग्रणी बनेका छन् । स्मरण रहोस् आगामी जुलाई २० मा आफ्नै कम्पनीको रकेटबाट अन्तरिक्ष यात्रामा जाँदैछन् । रकेट बनाउने कम्पनी स्पेस एक्सका सीईओ एलन मस्कले भने अन्तरिक्ष यात्राको कुनै योजना सार्वजनिक गरेका छैनन् ।

आगामी वर्षदेखि व्यवसायिक रुपमा अन्तरिक्ष पर्यटन शुरु गर्ने र त्यसका लागि टिकट बिक्री सुरु गर्ने योजना भर्जिन ग्यालाक्टिकको रहेको छ । हालसम्म झण्डै ६ सय व्यक्तिले उक्त कम्पनीमा अन्तरिक्ष यात्राको टिकट खरीदका लागि अग्रिम भुक्तानी गरिसकेको बताइएको छ । भर्जिन ग्यालाक्टिकको जहाजबाट अन्तरिक्ष यात्राका लागि अढाइ लाख डलरको टिकट खरीद गर्नुपर्नेछ ।

सम्बन्धित समाचार

पहिचान माग्दा थारुलाई जातीय आरोप लगाई जेल हालियोः रेशम चौधरी

काठमाडौं, २१ जेष्ठ । नागरिक उन्मुक्ति पार्टीका संरक्षक रेशम चौधरीले थारुहरुले आफ्नो परिचान माग्दा जातियवादको आरोप लाग्ने गरेको बताएका छन् । आइतवार तुलसीपुरमा नागरिक अभिनन्दन कार्यक्रमलाई सम्वोधन गर्दै उनले आफुहरु जातीयवादी नभएको प्रष्ट पार्दै केही...

दिपेन्द्रराज तिम्सिनाको १०औं कृति “माईखोलादेखि पूर्नवाससम्म” सार्वजनिक

दमक, २१ जेष्ठ । मोरङ् पथरीका खोज अनुसन्धानकर्ता तथा लेखक दिपेन्द्रराज तिम्सिनाले आफ्नो १० औं कृति का”माईखोलादेखि पूर्नवाससम्म” सार्वजनिक गरेका छन् । सन् १९९० देखि नेपालीभाषी भुटानी शरणार्थीहरूको कारूणिक शरणार्थी जीवन भोगाइदेखि विश्वका विभिन्न देशहरूमा...

लिम्बु कथानक चलचित्र ‘जारी’ले आज मनाउँदै ५१औं दिन

जारीले कमाइ करिब १७ कराेड ग्रस कलेक्सन दमक, २० जेष्ठ । दयाहाङ राई र मिरुना मगर स्टारर ‘जारी’ले आज (शनिबार) प्रदर्शनको ५१औं दिन पूरा गर्दैछ । नयाँ बर्ष वैशाख १ गते देखि प्रदर्शनभएको जारी २०८०...

पक्राउ परेका २६ जनाको रिहाईः अनिश्चितकालीन आम हड्ताल फिर्ता

दमक, १६ जेष्ठ । शान्तिपूर्ण प्रदर्शनको क्रममा पक्राउ परेका २६ जना नेता कार्यकर्ताहरु विनाशर्त रिहाई भएका छन् । प्रदेश १ को नाम कोशी खारेजीको माग राख्दै आन्दोलन गरिरहेका प्रदर्शनकारीहरुलाई १४ गते प्रहरीले हिरासतमा लिएको थियो...