काठमाडौं। अर्जेन्टिनाका कप्तान लियोनल मेस्सीले सामाजिक सञ्जाल इन्स्टाग्राममा नयाँ कीर्तिमान बनाएका छन् । सामाजिक संचाजलमा उपाधि जितेपछि उनले राखेको फोटोमा सबैभन्दा बढी लाइक आएसँगै उनले नयाँ कीर्तिमान बनाएका हुन् ।

स्टार खेलाडी मेस्सीले आफ्नो पहिलो अन्तर्राष्ट्रिय उपाधि जितेपछि राखेको फोटोमा २ करोडभन्दा बढी लाइक्स आएको छ । यो हालसम्मकै सर्वाधिक लाइक्स गरिएको फोटो हो ।

उक्त तस्बिरमा मेस्सीले एक्लै बसेर सिल समातेका छन् । यस्तै ग्रुपका तस्बिरले भने ११ मिलियन लाइक पाएको छ । २८ बर्षपछि हालैमात्र मेस्सीको नेतृत्वमा अर्जेन्टिनालाई २८ वर्षपछि अन्तर्राष्ट्रिय उपाधि जितेको छ । यो जितसँगै सन्यास लिईसकेपछि पुनरागमन भई अन्तर्राष्ट्रिय उपाधी जित्ने खेलाडी समेत बनेका छन् ।

यसअघि सर्वाधिक धेरै लाइक गरिएको फोटोमा रोनाल्डोले पोष्ट गरेको फोटोलाई मानिएको छ । रोनाल्डोले गतवर्षको नोभेम्बर २५ मा महान फुटबलर म्याराडोनालाई श्रद्धाञ्जली दिँदै एउटा फोटो राखेका थिए त्यो फोटोले इन्स्टाग्राममा १ करोड ९८ लाख लाइक पाएको थियो ।