फाइल तस्वीरः

काठमाडौं, १२ साउन । कांग्रेस गठबन्धन सरकारले गण्डकी र लुम्बिनी प्रदेश प्रमुख परिवर्तन गरेको छ ।

मंगलबार (आज) बसेको मन्त्रिपरिषद् बैठकको सिफारिसमा राष्ट्रपति विद्यादेवी भण्डारीले गण्डकी प्रदेशको प्रदेश प्रमुखमा पृथ्वीमान सिंह गुरुङ् र लुम्बिनी प्रदेशको प्रदेश प्रमुखमा अमिक शेरचन नियुक्त भएका हुन् ।

आजै बसेको मन्त्रिपरिषदको सिफारिसमा राष्ट्रपति भण्डारीले गण्डकीकी प्रदेश प्रमुख सीता पौडेल र लुम्बिनीका प्रदेश प्रमुख धर्मनाथ यादवलाई पदमुक्त गरेकी थिइन् ।

नेकपा माओवादी केन्द्रका नेता शेरचन यसअघि पनि गण्डकी प्रदेश प्रमुख थिए । ओली सरकारले गत वैशाख २० गते हटाएर सीता पौडेललाई नियुक्त गरेको थियो ।

गण्डकीका प्रदेश प्रमुख नियुक्त भएका गुरुङ चितवनको कांग्रेस नेता हुन् । लुम्बिनीका प्रदेश प्रमुख यादव भने २०७६ कात्तिक १८ गते प्रदेश प्रमुखमा नियुक्त भएका थिए ।