दमक, ७ भदाैं ।  ताप्लेजुङस्थित मुक्कुम्लुङ साहित्य प्रतिष्ठान पुनर्गठन भएको छ । शनिबार संस्थाको प्रथम साधारण सभाले मनिष हेल्लोको अध्यक्षतामा १४ सदसीय कार्यसमिति निर्विरोध चयन गरेको हो ।

कार्यक्रमबाट प्रतिष्ठानको उपाध्यक्षहरूमा  सीता पिरती , मणि सेम्बु र देवान सिं मादेन (बिरही कान्छा परदेशी )लाई चयन गरिएको छ भने महासचिव, सचिव र कोषाध्यक्षमा क्रमश : उदय भट्टराई, नवराज आचार्य र लीला आँसु रहनुभएको छ । त्यस्तै सहसचिव र सहकोषाध्यक्षमा क्रमश : लक्ष्मी चुँडाल र केपी किराँती चयन हुनुभएका छन्।

यसैगरी सदस्यहरूमा पोष्टबहादुर गुरुङ, होमनाथ दाहाल, सुनिता भुर्तेल , अनिशा लोहार र जीवन कालिकोटे चयन हुनुभएको नवगठित कार्यसमितिका अध्यक्ष हेल्लोकले बताए ।

संस्था एक वर्ष पुगेको अवसरमा शनिबार बिहान सदरमुकाम फुङ्लिङदेखि सुकेटारसम्म साहित्यिक पदयात्रा र अग्रज साहित्यकारहरुलाई सम्मान  गरेको थियो  ।  जिल्लाका अग्रज साहित्यकार काजी गुरुङ र चन्द्र मादेन (अन्छान)लाई सम्मान गरिएको बताइएको छ ।

पदयात्रामा १०० को हाराहारीमा सहभागिता रहेको अध्यक्ष हेल्लोकले जानकारी दिएका छन्। नयाँ सर्जकहरूलाई साहित्यप्रति उत्प्रेरित गर्नु र साहित्यलाई थप प्रचारप्रसार गर्नु समितिको मुख्य काम रहने अध्यक्ष हेल्लोको भनाई छ ।