लिम्बुवानखबर। माल्दिभ्सले दक्षिण एसियाली फुटबलको सर्वोच्च प्रतियोगिता साफ च्याम्पियनसिप खेल आयोजना हुने भएको छ । आज (सोमबार) बसेको साफको बैठकले अक्टोबरमा हुने साफ च्याम्पियनसिप माल्दिभ्समा गर्ने निर्णय गरेको हो ।

आगामी प्रतियोगिता अक्टोबर १ देखि १३ सम्म माल्दिभ्समा आयोजना गर्ने निर्णय भएको एन्फाले जनाएको छ । एन्फाले स्वास्थ्य मापदण्डलाई मध्यनजर गर्दै तालिकामा तलमाथि हुन सक्ने पनि बताएको छ ।

साफमा ५ राष्ट्रहरु भारत, नेपाल, बंगलादेश, श्रीलङ्का र आयोजक माल्दिभ्स सहभागी हुने भनिएपनि भुटानले समेत सहभागी हुने सम्भावना बढेको छ । भुटान सरकारले साफमा सहभागी हुन सकारात्मक छलफल गरेकाले ३ दिनमा भुटानले यकिन निर्णय दिने भएको छ । पाकिस्तानले भने सहभागी नहुने यस अघि नै जनाईसकेको छ ।

गत संस्करण बंगलादेशमा भएको साफमा माल्दिभ्सले उ्पाधि जितेको थियो । नेपाल सेमिफाइनलमा माल्दिभ्ससँग पराजित भएको थियो । नेपाल हालसम्म पनि साफ च्याम्पियनसिपको फाइनल पुग्न सकेको छैन ।