काठमाडाैं । कोरोना भाइरस संक्रमणबाट मृत्यु भएको व्यक्तिको अंगहरु झिकेर बेचबिखन भइरहेको छ भन्दै अफवाह फैलाएको आरोपमा पक्राउ परेका सुवास सुब्बा लिम्बू मंगलबार रिहा भएका छन् ।
तेह्रथुम स्थायी घर भई ललितपुरको ललितपुर उपमहानगर–१४ नक्खिपोटमा बस्ने सुब्बालाई प्रहरीले गत भदौ २२ गते पक्राउ गरेको थियो ।
सुब्बा रिहा भएपछि उनका समर्थकहरुले मंगलबार चक्रपथ क्षेत्रमा मोटरसाइकल र्याली गर्दै नक्खिपोटसम्म पुर्याएका थिए ।
क्रिश्चियन धर्मका पास्टर समेत रहेका सुब्बालाई उनका धार्मिक कार्यकर्ताहरुले साथ दिएका थिए ।
रोचक पक्ष के छ भने उक्त र्यालीमा मंगोल नेशनल अर्गनाइजेशन डा. गोपाल गुरुङ समूहका नेता कार्यकर्ताहरु समेत झण्डा लिएरै सामेल भएका थिए ।
नेपालबाट बाहुन–क्षेत्रीहरुलाई भगाउने जस्ता उग्रवादी मुद्दा उठाउने मंगोलन नेशनल अर्गनाइजेशनमाथि नेपालमा क्रिश्चियानिटी फैलाउने संगठनको आरोप पनि लाग्दै आएको छ ।
सुब्बा पक्राउ परेपछि बढीजसो मंगोलन नेशनल अर्गनाइजेशनकै कार्यकर्ताहरुले सामाजिक सञ्जालमाफर्त हिराइको आवाज उठाएका थिए ।
आफ्ना समर्थकहरुले र्याली गर्दै निवाससम्म ल्याइदिएपछि सुब्बाले आफूले कोरोना भाइरस विरुद्धको भ्याक्सिन आविष्कार गरेको बताए ।
उनले गत अगस्ट दोस्रो साता पनि पत्रकार सम्मेलन गरी डेढ महिना लगाएर कोरोना विरुद्धको भ्याक्सिन आविष्कार गरेको दाबी गरेका थिए ।
मंगलबार उनले ११६ बिलियन डलरको मालिक रहेका विश्वकै धनी व्यक्ति बिल गेटस्लाई समेत चुनौती दिए ।
‘म बिल गेटस्लाई डाइरेक्ट चुनौती दिन चाहन्छु, किनभने मैले भ्याक्सिन इन्भेन्सन गरेको छु,’ सुब्बाले भने, ‘यदि कोरोना नियन्त्रण गर्ने हो भने उनी मसँग मिल्यो भने नियन्त्रण गर्न सकिन्छ ।’
सरकारले इजाजत दिए आफूले सबभन्दा पहिला नेपालका जनतालाई भ्याक्सिन लगाइदिने उनको भनाइ छ ।
उनी नक्खिपोटमै अन्तिम विकल्प नामक संस्था स्थापना गरेर बसेका छन् । जहाँ उनले डाक्टरहरुले उपचार गर्न नसकेर माया मारेको विरामी निको पारिदिने बताउँदै आएका छन् ।
सुब्बाका समर्थकहरुले उनलाई डाक्टर भनी सम्बोधन गर्छन् । विरामीको हात छोएरै रोग पत्ता लगाउने सुब्बाको दाबी छ ।
दमक, १८ भदाैं । प्रदेश नं. १ पुनः नामाङकन संयुक्त संघर्ष समितिले ‘कोशी नाम खारेजी र भ्रष्टाचार विरुद्ध जनअभियान—२०८१’ झापाबाट सुरु गरेकाे छ । कोशी नाम खारेजी गरेर पहिचानको आधारमा पुन नामङ्कन गर्न जनता जगाउने...
ललितपुर, १८ भदौं । लिम्बू याक्थुङ् जातिको प्रमुख सामाजिक संस्था किरात याक्थुङ चुम्लुङले आफ्नो ३६औं स्थापना दिवस मनाए विविध कार्यक्रम गरि मनाएको छ । ललितपुरस्थित चुम्लुङहिममा सोमबार संघीय समितिले सप्ताहव्यापी कार्यक्रम विभिन्न सांस्कृतिक प्रस्तुतिका साथै...
दमक, १८ भदौं । किरात याक्थुङ् चुम्लुङ् हङकङका पूर्व अध्यक्ष त्रिभुवन लुम्फुङवा लिम्बु दुई संस्थाबाट सम्मानित भएका छन् । सोमबार झापाको दमक ५ बेलडाँगीरोडस्थित तुमिरो क्याफेमा एक कार्यक्रमगरि लिम्बुलाई सम्मान गरिएको हो । इलाम, फाकफोकथुम...
दमक, १७ भदौं । किरात याक्थुङ चम्लुङ लिम्बुवान प्रदेश समितिले आगामी याक्थुङहरुको महान पर्व चासोक तङनाममा अन्तर्राष्ट्रिय केलाङ (च्याब्रुङ नाँच) प्रतियोगिता गर्ने भएको छ । प्रदेश समितिको आइतबार दमकस्थित लाट्टे आर्ट क्याफेमा बसेको छैटौं पूर्ण...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८