लिम्बुवानखबर । नेपालले आईसीसी क्रिकेट विश्वकल लिग २ अन्तर्गतको पहिलो खेलमा अमेरिकामाथि शानदार जित हात परेको छ । सोमबार नेपालले ओपनर कुशल भुर्तेल र रोहित पौडेलको अर्धशतक मद्दतमा ओमान, नेपाल र अमेरिका सहभागी सिरिजको पहिलो खेलमा अमेरिकालाई ५ विकेटले पराजित गरेको हो ।

अमेरिकाले दिएको २३१ रनको लक्ष्य नेपालले ४९ ओभर खेल्दै ५ विकेट गुमाएर पूरा गरेको थियो । यो जितमा नेपालका कुशल भुर्तेलले सर्वाधिक ८४ रन बनाए भने ओमान टुरमा लयमा रहेका रोहितले अर्धशतक प्रहार गरे अविजित ६२ रन जोडेका थिए ।

नेपालले अमेरिकासँगको खेलसँगै ओडीआईमा सर्वाधिक साझेदारीको कीर्तिमान पनि बनाएको छ । यसअघि सन् २०१९ मा ज्ञानेन्द्र मल्ल र विनोद भण्डारीले युएईविरुद्ध पहिलो विकेटका लागि ६१ रनको साझेदारी गरेका थिए ।

नेपालका लागि सन्दीप लामिछाने, सुशन भारी, विक्रम सोबले २–२ विकेट लिए । यस्तै कुशल मल्लले १ विकेट लिए । अमेरिकाका दुई खेलाडी रनआउट भएका थिए ।

सुशन भारीले १० ओभरमा ३१ रन मात्र खर्चेका थिए । सन्दीपले १० ओभरमा २ मेडन राख्दै ३५ रन खर्चिए । कुशल मल्लले पनि पूरै स्पेल बलिङ गर्दा १० ओभरमा ४५ रन खर्चिए ।

अमेरिकालाई हराएपछि नेपालले लिग २ मा तेस्रो खेल जित्दै ५ खेलबाट ६ अंक जोडेको छ । नेपालले सिरिजको दोस्रो खेलमा मंगलबार घरेलु टोली ओमानसँग खेल्नेछ । ओमान १६ अंकसहित शीर्ष स्थानमा छ ।