लिम्बुवानखबर, २ असोज । एएफसी महिला एसियन कप फूटबलको छनोट खेल प्रतियोगिता खेल्न नेपाली राष्ट्रिय महिला टिम उज्वेकिस्तानमा छ । एसियन कपको समूह एफमा रहेको नेपालले आज छनौट खेल फिलिपिन्ससँग खेल्दै यात्रा अघि बढाउँदैछ ।
सन् २०१९ पछि नेपालको महिला टिमले पहिलो पटक प्रतिस्पर्धात्मक फुटबल खेल खेल्न लागेको हो । नेपालका राष्ट्रिय टिमकी सर्वाधिक गोलकर्ता सावित्रा भण्डारी साम्बा बिना नेपाली टिम खेल मैदानमा उत्रिन्दैछ । घुँडाको चोटका कारण कतारमा शल्यक्रिया गराएर उपचार गराईरहेको नेपाली टिमका साम्बा अहिले आराम गरिरहेकी छिन् । नेपाली टिमलाई उनलाई पक्कै सम्झने छन् ।
फिफा वरीयतामा नेपाल १०१ औं स्थानमा छ । फिलिपिन्स ३३ स्थान माथि ६८औं स्थानमा छ भने हङकङ ६७औं स्थानमा छ । भारतमा हुने एसियन कपको छनोटमा नेपालले आफूभन्दा वरीयतामा माथि हरेका दुई टिमहरु फिलिपिन्स र हङकङसँग खेल्नु पर्ने भएको हुँदा शिर्ष टिम मात्र एसिया कपमा छनोट हुनेछ । त्यसैले नेपाली टिमको लागि समूहको दुवै खेल महत्वपूर्ण छ ।
नेपाली महिला टिमले अहिलेसम्म तीन पटक एसिया कप खेलेको छ । पछिल्लो पटक सन् १९९९ मा नेपालले एसिया कप खेलेको थियो । त्यसपछि २२ वर्षसम्म नेपाली टिमले खेलेको थिएन । २२ बर्षपछि पुनः एसिया कपको छनोट खेल्न लाग्दा नेपाली महिला टिम उत्साहित छन् र छनोट हुने जोश र जाँगरका साथ मैदान उत्रदैँछ । (तस्वीर : एनएसजेएफबाट लिइएकाे)
Related