ताप्लेजुङ, भदौ १६ ।  ताप्लेजुङमा परम्परागत मदिरा (कोदोको रक्सी) प्रवर्द्धन समिति गठन भएकाे छ ।  प्रदेश १ का उद्योग, श्रम तथा रोजगारमन्त्री प्रतापप्रकाश हाङगाम प्रमुख अातिथ्यतामा बिहीबार इन्दीरा नेम्बाङकाे संयाेजकत्वमा ११ सदस्यीय समिति गठन भएकाे ।

कार्यक्रमलाइ सम्बाेधन गर्नु हुँदै मन्त्री हाङगामले घरेलु रक्सी (मदिरा) को प्रवर्द्धन गर्न आवश्यक रहेको बताउनुभएको छ । आम्दानी वृद्धिसँगै आर्थिक समृद्धिका लागि घरेलु रक्सीको प्रवर्द्धन आवश्यक भएको मन्त्रीहाङगामले बताउनुभयो ।

समितिले ताप्लेजुङको फुङलिङ्स्थित जरा होटलमा आयोजना गरेको कार्यक्रमको उद्घाटन समारोहलाई सम्बोधन गर्नुहुँदै मन्त्री हाङगामले घरेलु रक्सीलाई ब्राण्ड बनाएर अन्तर्राष्ट्रिय बजारसम्म पु¥याउनेगरी आफूले पहल गरिरहेको बताउनुभयो ।

कार्यक्रममा समितिका संयोजक टेकबहादुर खजुमले परम्परागत मदिरालाई प्रदेश १ कै ब्राण्ड बनाउनेगरी अभियानको सुरुवात गरेको बताउनुभयो । खजुमले प्रदेश १ का विभिन्न जिल्लामा पुगेर छलफल, अन्तर्क्रिरयाजस्ता गतिविधि गरिरहेको र स्थानीयले दिएको सुझावलाईसमेत समेटेर आफूहरु घरेलु कोदोको रक्सीलाई प्रवर्द्धन गर्ने कार्यका लागि थप योजना बनाएर अघि बढ्ने बताउनुभयो ।

यसैगरी कार्यक्रममा परम्परागत मदिरा (कोदोको रक्सी) प्रवर्द्धन समिति बुद्धिजीवी फाँटका संयोजक देशु वनेमले घरेलु रक्सीसम्बन्धी प्रारम्भिक अवधारणपत्र प्रस्तुत गर्नुभएको थियो । अवधारणपत्र प्रस्तुत गर्नुहुँदै वनेमले घरेलु मदिराको उत्पादन तथा प्रवर्द्धनका लागि सरकारी नीति नहुँदा कच्चा पदार्थको रुपमा प्रयोग हुने कोदो लगायतका अन्न तथा मदिरा उत्पादकले आम्दानी गुमाइरहनुपरेको बताउनुभयो ।

यसैक्रममा फुङलिङ् नपाकी मेन्याङबोको संयोजकत्वमा गठित उक्त समितिको सदस्य सचिवमा सिरिजंगाका पदम चेन्जी मावो रहेका छन भने सदस्यहरुमा फक्ताङ गाउँपालिकाका किस्मत लिङ्खिम, फक्ताङलुङकै मुक्साम लाबुङ, सिदिङबाका केदार ताम्लिङ, सिदिङबाका भिम माङमु, मिक्वाखोलाका समिप लिवाङ, मैयाखोलाका उमेश वनेम, आठराइत्रिवेणीका विपिका थलङ र मेरिङ्देनका निमा सेर्पा रहेका छन् ।

ताप्लेजुङसहित प्रदेश १ को आठवटा जिल्लामा जिल्लास्तरीय समिति निर्माण भइसकेको पनि समितिकी सदस्य सरस्वता सिंघक (सरु) ले जानकारी दिएकी छिन् ।