शिवसताक्षीमा लिम्बुवानका जनवर्गीय संगठनहरू पुनःगठन

 लिम्बुवान न्युज
                       

शिबसताक्षी १ असोज  / संघीय लोकतान्त्रिक राष्ट्रिय मञ्च नेपाल, संघीय लिम्बूवान प्रान्तिय मञ्च झापा क्षेत्र नम्बर ४ (१) अन्तर्गत चारवटा भातृसंगठनहरु पुनःगठन गरिएको छ । शिबसताक्षी नगरपालिकाको वडा नम्बर १ धरमपुरस्थित फूलबारी चौकमा सम्पन्न समारोहमा संघीय लिम्बूवान प्रान्तीय मञ्चको भातृसंगठन संघीय लिम्बूवान महिला मञ्च, लिम्बूवान युवा मञ्च, लिम्बूवान भूपु सैनीक मञ्च र साँस्कृतिक कलाकार मञ्च गठन गरिएको हो ।

यसरी गठन भएको संघीय लिम्बूवान महिला मञ्चको अध्यक्षमा मनिता सुब्बा, युवा मञ्चको अध्यक्षमा शिब शेर्मा, लिम्बूवान भूपु सैनिक मञ्चको अध्यक्षमा कर्ण लिम्बू र साँस्कृतिक कलाकार मञ्चको अध्यक्षमा जीतेन यक्तेन रहनुभएको छ ।्

देबीबहादुर निङलेकु (प्रताप) को अध्यक्षतामा र प्रदेश १ का सामाजिक विकाश राज्यमन्त्री माननीय बिष्णु तुम्बाहाम्फेको प्रमुख आतिथ्यतामा सो कार्यक्रम सम्पन्न भएको हो । सो अवसरमा प्रमुख अतिथि राज्यमन्त्री तुम्बाहाम्फेले नवगठित पार्टी सम्बद्ध भातृसंगठनका नेतृत्वहरुलाई बधाई तथा शुभकामना ब्यक्त गर्नुभएको थियो ।

राज्यमन्त्रीले पहिचानको आन्दोलनलाई अझै शसक्त र प्रभावकारी बनाउदै लैजानुपर्नेमा जोड दिनुभयो । वहाँले आगामी मंसिर ४ गते हुने प्रतिनिधिसभा र प्रदेशसभाको निर्वाचनलाई लक्षित गरेर कार्यकर्ताहरुबीच एकता र अठोटका साथ अघि बढ्न आग्रह गर्नुभयो ।

समारोहलाई सम्बोधन गर्नुहुदैं मन्त्री तुम्बाहाम्फेले संघीय लोकतान्त्रिक राष्ट्रिय मञ्च सम्बद्ध संघीय लिम्बूवान प्रान्तीय मञ्चले अघि सारेका राजनीतिक एजेन्डालाई पुरा गर्न निर्वाचनमा प्रतिबद्ध भएर लाग्नुपर्ने बताउनुभयो ।

त्यस्तैं, संघीय लिम्बूवान लेखक मञ्चका बिक्रम वनेम फागो, लिम्बूवान साँस्कृतिक कलाकार मञ्चका हरिराज खिमदिङ, संघीय लिम्बूवान प्रान्तीय मञ्चका दिल सेरेङ, भुपु सैनिक मञ्च सुनसरीका अध्यक्ष धनबहादुर साम्सोहाङ लगायतले शुभकामना मन्तव्य राख्नुभएको थियो । सो अवसरमा लिम्बूवान कलाकारहरुले मनोरञ्जनात्मक साँस्कृतिक प्र्रस्तुतीहरु मार्फत सहभागिहरुलाई मनोरञ्जन प्रदान गरेका थिए ।

सम्बन्धित समाचार

आयोगले तोक्यो चुनाव खर्चको सीमा, कुन क्षेत्रमा कति ?

काठमाडौं, १७ असाेज । निर्वाचन आयोगले उआसन्न प्रतिनिधिसभा निर्वाचनमा उम्मेदवारहरुले गर्न पाउने खर्चको सीमा तोकेको छ । आयोगले मतदाता संख्या, निर्वाचन क्षेत्रको क्षेत्रफल र मतदान केन्द्रका आधारमा क्षेत्रअनुसार खर्च निर्धारण गरेको हो, जसअननुसार मतदाताको संख्यालाई...

चुलाचुली लिम्बुवान अध्यक्षमा नरेन्द्र लेक्वा निर्वाचित

इलाम, सा.लि./संघीय लिम्बुवान प्रान्तीय मञ्च चुलाचुलीको पाँचौ अधिवेशनले नरेन्द्र लेक्वालाई अध्यक्षमा सर्वसम्मत चयन गरेको छ । शनिबार चुलाचुली १स्थित हात्तिलेदामा आयोजित अधिवेशन लेक्वालाई अध्यक्षमा निर्वाचित गरेको हो । शनिबार आयोजित अधिवेशनले लेक्वाको अध्यक्षतामा १३ सदस्यीय...

दमकमा लिम्बु कथानक चलचित्र ‘थिम’काे विशेष प्रदर्शन

दमक । झापाको दमकमा निर्देशक यलम्बर खम्बुको निर्देशन रहेको लिम्बु कथानक चलचित्र ‘थिम’को हाउसफुलका साथ विशेष प्रदर्शन सम्पन्न भएको छ । शनिबार दमकस्थित गोर्खा डिपार्टमेन्ट स्टोरको हलमा चलचित्र ‘थिम’का निर्देशक यलम्बर खम्बु, चलचित्रका कलाकार, लेखक तथा...

जेष्ठ नागरीक दिबस तेह्रथुममा सम्मन्न

३२ औ अन्तर्राष्ट्रिय जेष्ठ नागरीक दिबस आज विभिन्न कार्यक्रम सहित तेह्रथुमको सदरमुकाम म्याङलुङमा बजारमा सम्पन्न भएको छ । जेष्ठ नागरीक जिल्ला संघ तेह्रथुमको आयोजनामा भएको दिबसमा म्यङलुङको बस पार्कबाट र्यालि निकाली उधोग बाणिज्यको सभाहालमा पुगी...