गौतमबुद्ध अन्तर्राराष्ट्रिय रंगशालाको काम दसैँमा नि निरन्तर

 लिम्बुवान न्युज
गौतमबुद्ध अन्तर्राराष्ट्रिय रंगशालाको काम दसैँमा नि निरन्तर

चितवन । चितवनको भरतपुरमा निर्माणाधीन गौतमबुद्ध अन्तराष्ट्रिय क्रिकेट रंगशालाको काम दसैँ विदामा पनि निरन्तर भइरहेकाे छ ।

रंगशाला निर्माण गरिरहेको धुर्मुस सुन्तली फाउण्डेशनले दसैँंको समयमा समेत करिव १ सय ५० जना कामदार निर्माणमा खटिरहेकाे जनाएकाे छ ।

अध्यक्ष सीताराम कट्टेल धुर्मसले कामदारको चाहनाअनुसार नै दसैँको अवधिमा पनि काम गर्न लागिएको बताए । ‘हामीसँग भएका कामदारमध्ये कतिपय दसैँंका लागि घर जानुहुन्छ । अहिलेको परिस्थिति र निर्माण कार्यको अवस्थालाई मध्यनजर राख्दै सबैसँग प्रतिक्रिया माग्दा धेरै जसोले रंगशाला उभ्याएर मात्रै घर जाने बताएपछि काम सञ्चालन गर्न लागिएको हो,’ कट्टेलले भने ।

रंगशालामा अहाेरात्र खटिरहेका सबै मजदुर तथा कर्मचारीहरूलाई टीका लगाएर यहीँ दसैँं मनाउने धुर्मसले बताए ।

२०७६ चैत ११ गते लकडाउन सुरु भएपछि करिब डेढ महिना काम रोकिए पनि २०७७ वैशाख २० गतेदेखि ३० जना कामदारबाट निर्माणको काम पुनः सुरु गरेको थियो । हाल २ सय ३३ जना मजदुर कार्यरत रहेकाे अध्यक्ष कट्टेलले भने ।

रंगशालाको ३ सय ६० वटा पिल्लरमध्ये २ सय वटा पिल्लर ठड्याइसकिएको छ ।

स्टान्ड ‘ए’ मा सबै पिल्लर (१ सय ३५ वटा) राखिसकिएको छ । यहाँ ढुंगाको वालको काम सुरु भएको छ । स्टान्ड ‘बी’मा ६५ वटा पिल्लर उठेको छ र बाँकीको काम अन्तिम चरणमा पुगेको छ ।

परियोजना व्यवस्थापक जनार्दन शर्माका अनुसार रंगशालाको दुई स्टान्डको जगको ढलानमा ६० प्रतिशत काम सम्पन्न भएको छ । त्यस्तै, टाइवीमको काम १३ प्रतिशत सकिएको छ । मैदानको काम यसअघि नै ८५ प्रतिशत सम्पन्न भइसकेको छ ।

कोरोना भाइरसको बढ्दो संक्रमण, आवश्यक मालसामाग्रीहरुको अभाव, कामदारहरुको समस्या, बर्खा र निरन्तरको झरीका बावदुद पनि रंगशालाको काम अघि बढाइएको फाउण्डेशनका अध्यक्ष कट्टेलले बताए ।

हालसम्म रंगशाला निर्माणमा ३० कराेड ५५ लाख खच भइसकेकाे छ भने  अहिलेसम्म २४ करोड १४ लाख ६० हजार रकमको आर्थिक स्रोत जुटेकाे अध्यक्षा कट्टेलले बताए ।

फाउण्डेशनका आर्थिक प्रशासन प्रमुख मुक्ति तिमल्सिनाका अनुसार अझै ६ करोड ४० लाख ५२ हजार ऋणमा रंगशाला निर्माण भइरहेकाे देखिन्छ ।

सम्बन्धित समाचार

२०७८ सालमा हुने राष्ट्रिय जनगणनामा किरात धर्म लेख्न चुम्लुङकाे अपिल

ललितपुर। किरात याक्थुङ चुम्लुङले २०७८ सालमा हुने राष्ट्रिय जनगणनामा जात/जाति, मातृभाषा र पुर्खाको भाषामा ‘लिम्बु’ र धर्मको महलमा ‘किरात’ लेख्न/लेखाउन लिम्बु समुदायसँग अपिल गरेको छ । चुम्लुङले राजनीतिक तथा सांस्कृतिक आन्दोलन अघि बढाउनका लागि समेत...

विश्वको १०० जना प्रभावशाली महिलाको सूचिमा नेपाली चेली सपना रोका मगर

काठमाडाैं। राम्राे काम गरेपछि तारिफ हुन्छ नै त्यसैले हाेला विश्वको १०० जना प्रभावशाली महिलाको सूचिमा नेपाली चेली सपना रोका मगर पर्न सफल भएकी छन् । बेलायतकाे ब्रिटिश ब्रोडकास्टिङ कर्पोरेशन (बीबीसी)ले तयार गरेको यस वर्षको १००...

दमककाे भ्यू टावरसँगै झापाका योजनाहरुको गरे शहरी विकास मन्त्री श्रेष्ठले निरिक्षण

दमक। शहरी विकास मन्त्री कृष्णगोपाल श्रेष्ठले आज दमकमा निर्माणाधिन दमक भ्यू टावरको स्थलगत निरिक्षण गरेका छन । बिहान झापा आएका मन्त्री श्रेष्ठले अपरान्ह दमक ३ स्थित निर्माणाधिन सो भ्यू टावर निर्माणको अवस्थाबारे जानकारी लिएका हुन...

मंसिर ९ देखि कक्षा १२ काे परीक्षा शुरू हुँदै, झण्डै १८ हजारले होम सेन्टरबाट परीक्षा नदिने

काठमाडौं । कोरोना भाइरस (कोभिड–१९) का कारण कक्षा १२ को अन्तिम परीक्षा मंगलबार देखि सम्बन्धित विद्यालयमै सञ्चालन हुँदैछ । देशभरिकाे ४ हजार १ सय पाँचवटा विद्यालयलाई नै परीक्षा केन्द्र तोकिएका छन् । तर सबै विद्यार्थीले...